Fall á mörkuðum í Dubai og Abu Dhabi

Hlutabréf í kauphöllunum í Dubai og Abu Dhabi féllu um ríflega 6 prósent í fyrstu viðskiptum dagsins í morgun. Dýfan kemur í kjölfar þess að fasteignafélagið Nakheel í Dubai fór fram á að viðskipti með bréf félagsins verði stöðvuð. Kauphallirnar voru að opna í morgun í fyrsta sinn síðan ríkisfyrirtækið Dubai World sótti um greiðslustöðvun fyrir helgi.

Bjarga ekki Saab

Sænska ríkisstjórn hyggst ekki koma Saab bílaverksmiðjunum til aðstoðar með sérstökum björgunaraðgerðum. Fyrirtekið stendur afar illa og er nánast gjaldþrota. Fjármálaráðherrann segir ekki koma til greina að almennafé verði notað með þeim hætti.

Norskur silfurdalur sleginn á 25 milljónir

Sjaldgæft eintak af norskum silfurdal, svokölluðum Gimsöydal, var nýlega slegið á uppboði í Osló fyrir tæpar 1,2 milljónir norskra kr. eða um 25 milljónir kr. Gimsöydalir voru fyrstu silfurdalirnir sem slegnir voru í Noregi og er þessi frá árinu 1546.

Bandaríska myntsláttan uppiskroppa með gullmynt

Óseðjandi eftirspurn eftir gulli undanfarnar vikur og mánuði hefur gert það að verkum að bandaríska myntsláttan U.S. Mint er orðin uppskroppa með gullmyntina American Eagle. Mynt þessi er ein hin vinsælasta á markaðinum en hún vegur eina únsu.

Tíu villtustu verkefnin í Dubai

Fjármálamarkaðir um allan heim nötra nú af skelfingu yfir þróuninni í Dubai og hinir svartsýnustu telja að erfiðleikar þessa smáríkis séu upphafið að nýrri fjármálakreppu í heiminum. Bólan er sprungin í Dubai en þar hefur ekkert skort á brjálæðislegar byggingar og fasteignaverkefni á síðustu árum. Hér er listi yfir 10 villtustu verkefnin sem Jyllands Posten hefur tekið saman.

Kassinn tómur hjá Ábyrgðarsjóði launafólks í Danmörku

Vegna þeirrar bylgju gjaldþrota sem dunið hefur yfir Danmörku á þessu ári sökum fjármálakreppunnar er kassinn orðinn tómur hjá Ábyrgðarsjóði launafólks (Lönmodtagernes Garantifond) í landinu. Þarf sjóðurinn því á lánum að halda í fyrsta sinn síðan hann var stofnaður árið 1972.

Helmingur áhugasamra á kaupum Ratiopharm dettur út

Samkvæmt frétt á Reuters er talið að allt að helmingur þeirra 10 aðila sem áhuga höfðu á að bjóða í þýska samheitalyfjafyrirtækið Ratiopharm muni detta úr hópnum fyrir 3. desember n.k. Reuters hefur áður sagt að Actavis sé meðal líklegra kaupenda.

Skuldatryggingarálag ríkja í Evrópu hefur hækkað undanfarið

Almennt hefur skuldatryggingaálag ríkja Evrópu verið að hækka í október og nóvember og endurspeglar það aukna áhættufælni almennt. Skuldatryggingaálag Íslands hefur fylgt þessari þróun. Var álagið til fimm ára 338 punktar í upphafi þessa tímabils en stendur nú í 388 punktum.

Ósvífinn klámormur herjar á Facebook notendur

Fjöldi af Facebook notendum hafa orðið fyrir barðinu á því sem Jyllands Posten kallar ósvífinn klámorm. Ormurinn virkjast á Facebook síðum með því að notendur þeirra smella á mynd af vægast sagt léttklæddum kvennmanni sem þeim berst í pósti á vefsíðunni.

E24.se: Persson í vafasömum félagsskap Björgólfs Thors

Göran Persson fyrrum forsætisráðherra Svíþjóðar verður stjórnarformaður félagsins Scandinavian Biogas og segir vefsíðan E24.se að þar sé Persson kominn í vafasamann félagskap fjármálamanna sem hafi slæmt orð á sér. Meðal þeirra sem nefndir eru til sögunnar er Björgólfur Thor Björgólfsson en félag hans, Novator, er stærsti eigandi Scandinavian Biogas með 24% hlut.

Skuldatryggingarálag Dubai hærra en Íslands, gjaldþrot yfirvofandi

Skuldatryggingarálagið á ríkissjóð Dubai rauk upp í gærkvöldi og er orðið hærra en hjá Íslandi þar sem gjaldþrot er talið yfirvofandi. Þetta kemur í framhaldi af því að Dubai World, fjárfestingarasjóður í eigu ríkisins, hefur sótt um frestun á greiðslu skulda upp á 59 milljarða dollara.

Budget Travel lokar á Írlandi

Primera Travel Group tók ákvörðun í dag um að loka Budget Travel á Írlandi, sem fyrirtækið festi kaup á árið 2007. Þetta kemur fram í tilkynningu frá Andra M. Ingólfssyni, forstjóra Primera Travel group á Norðurlöndunum.

FIH bankinn verður líklega stór hluthafi í Sjælsö Gruppen

FIH bankinn er í hópi þriggja banka sem að öllum líkindum munu enda sem stórir hluthafar í Sjælsö Gruppen stærsta fasteignafélagi Danmerkur. FIH er sem kunnugt er í íslenskri eigu og kröfuhafar í þrotabú Samson Holding, eignarhaldsfélags Björgólfsfeðga, stjórna 30% hlut í Sjælsö Gruppen.

Gengishagnaður léttir undir rekstur French Connection

Breska verslunarkeðjan Franch Connection hagnaðist töluvert á gengismun punds og dollars keðjunni í hag á þriggja mánaða tímabili fram til loka október. Velta keðjunnar jókst um 8% á tímabilinu miðað við næstu þrjá mánuði þar á undan.

Statoil vill bora eftir olíu við Grænland

Norska olíufélagið Statoil hefur áhuga á að bora eftir olíu við Grænland. Ætlar félagið að taka þátt í útboðum á olíuvinnslu við landið en reiknað er með að slík útboð fari í gang innan þriggja ára.

Nasdaq boðar afskráningu deCODE

Nasdaq kauphöllin í New York hefur tilkynnt deCODE um að hlutabréf félagsins verði afskráð af markaði Nasdaq. Mun það verða gert þann 30. nóvember n.k.

Breskt fjármálafólk íhugar flótta undan sköttum til Sviss

Breskt fjármálafólk með miklar tekjur íhugar nú í töluverðum mæli að flýja til Sviss undan háum tekjusköttum breska Verkamannaflokksins. Sem kunnugt er hækkaði stjórn Gordon Brown nýlega tekjurskattinn úr 40% og í 50% á allar tekjur sem eru yfir 150.000 pundum á ári.

Áhyggjur af því að álbóla sé að myndast á málmmörkuðum

Álverðið á markaðinum í London var komið í 2.057 dollara á tonnið m.v. þriggja mánaða framvirka samninga í morgun. Sérfræðingar hafa nú töluverðar áhyggjur af því að álbóla sé að myndast á málmmörkuðum heimsins. Birgðastöðvar með ál liggja nú inni með nægilegt magn af málminum til þess að smíða 69.000 nýjar Boeing 747 júmbó þotur.

Lloyds bankinn fer í stærsta hlutafjárútboð Bretlands

Lloyds Banking Group í Bretlandi tilkynnti um stærsta hlutafjárútboð sögunnar en með því eru langþreyttir eigendur bankans beðnir um að setja 13,5 milljarða punda, eða 2.750 milljarða kr., af nýju fé í bankann.

Fjórði hver íbúðaeigandi tæknilega gjaldþrota í Bandaríkjunum

Nær fjórði hver íbúðaeigandi í Bandaríkjunum er tæknilega gjaldþrota, það er hann skuldar meira í fasteign sinni en nemur verðmæti hennar.

Hagvöxtur á þriðja fjórðungi í OECD ríkjum

Hagvöxtur í ríkjum Efnahags- og framfarastofnunarinnar (OECD) jókst um 0,8 prósent milli ársfjórðunga á þriðja fjórðungi þessa árs, eftir að leiðrétt hefur verið fyrir árstíðabundnum sveiflum.

Rússneskur auðmaður keypti Mercedes bíl Hitlers

Rússneskur auðmaður hefur fest kaup á Mercedes bíl Adolf Hitlers en bíll er af gerðinni Mercedes 770 K og var oft notaður af Hitler við opinberar athafnir á sínum tíma.

McDonalds skiptir um lit, frá rauðu yfir í grænt

McDonalds hamborgarakeðjan í Þýskalandi mun framvegis aðskilja sig frá öðrum slíkum í heiminum með því að breyta grunnlitinu í vörumerki keðjunnar úr rauðu og yfir í gænt.

Skuldir settar í sölu á netinu

Fjármálakreppan hefur haft það í för með sér að svo mikið er að hjá innheimtufyrirtækjum að nú er farið að setja skuldir einstaklinga til sölu á netinu. Eina áhættan sem fólgin er í þessu fyrirkomu lagi er að skuldararnir sjálfir geta keypt skuldir sínar á útsöluverði.

Samið um skuldir West Ham, Straumur leggur til milljarð

CB Holding hefur endursamið um skuldir við lánadrottna enska úrvalsdeildarfélagsins West Ham og er fjárhagur félagsins nú kominn á traustari grundvöll en hann var. Straumur, meirihlutaeigandi CB Holding, lagði fram 5 milljónir punda, eða rúmlega milljarð kr. Í nýju fé til West Ham.

Konur í stjórnum fá helmingi minna greitt en karlmenn

Konur sem sitja í stjórnum 350 stærstu fyrirtækjanna í Kauphöllinni í London fá greitt einungis helminginn af því sem karlar fá, samkvæmt nýrri rannsókn.

Apple framsæknasta fyrirtæki í Bretlandi

Apple hefur tekið frammúr Google sem áhrifamesta og framsæknasta fyrirtæki í Bretlandi, samkvæmt skoðanakönnun sem var gerð á meðal 1000 álitsgjafa.

Royal Unibrew í slagsmálum við Heineken

Þannig hljómar fyrirsögn í viðskiptablaðinu Börsen þar sem fjallað er um ágreingin sem kominn er upp milli Royal Unibrew næststærstu burggverksmiðju Danmerkur og hollenska ölrisans Heineken. Royal Unibrew og Heineken eru samstarfsaðilar og framleiðir Royal Unibrew m.a. Heineken-öl í Danmörku samkvæmt leyfi frá Heineken.

Franskur stórbanki varar við öðru efnahagshruni

Franski stórbankinn Société Générale varar nú viðskiptavini sína við öðru efnahagshruni á næstu tveimur árum. Bankinn hefur þegar breytt fjárfestingastefnu sinni til að verja fjármuni viðskiptavina sinna.

Leynibónusar til Ikea-toppa og hagnaðurinn til skattaparadísa

Ikea sendir árlega hundruð milljarða kr. af hagnaði sínum inn á reikninga og í félög í skattaparadísum eins og Bresku Jómfrúreyjunum. Samtímis fá forstjórar Ikea leynilega bónusa svo þeir haldi kjafti um þessa fjármagnsflutninga.

Gullúr selt fyrir rúmlega 600 milljónir á uppboði

Óþekktur auðmaður greiddi nýlega metverð fyrir gullúr á uppboði. Það var slegið á rúmlega 5 milljónir svissneskra franka eða rúmlega 600 milljónir kr.

Fréttin um West Ham er bull, ekkert tilboð borist

Frétt breska blaðsins The Sun í morgun um tilboð David Sullivan í enska úrvalsdeildarliðið West Ham er bull og enn hefur ekkert formlegt tilboð borist í félagið að sögn Georg Andersen forstöðumanns samskiptasviðs Straums.

Danska ríkisútvarpið segir upp 40 stjórnendum

Danska ríkisútvarpið (DR) hefur ákveðið að segja upp 40 manns sem gegna stjórnunarstöðum innan stofnunarinnar. Er þetta liður í hagræðingu og endurskipulagningu DR sem staðið hefur um nokkurt skeið.

David Sullivan vill fá helming West Ham gefins

David Sullivan hefur krafist þess að fá helming enska úrvalsdeildarliðsins West Ham gefins hjá Straumi. Á móti muni hann bjarga félaginu.

Karlar ráða lögum og lofum í atvinnulífinu á Norðurlöndum

Aukin áhersla á jafnrétti og þrýstingur frá kvennahreyfingunni hafa ráðið úrslitum um að konum hefur fjölgað í stjórnmálum á Norðurlöndum undanfarin 15 ár. Í atvinnulífinu ráða karlar þó lögum og lofum enn sem fyrr. Þetta kemur fram í viðamiklu norrænu rannsóknaverkefni um kyn og völd í stjórnmálum og atvinnulífi.

Glitnir í Noregi fjármagnaði kaup á hlutum í klámfyrirtæki

Glitnir Securities, verðbréfamiðlun Glitnis í Noregi, fjármagnaði kaup viðskiptavina sinna á hlutabréfum í klámfyrirtækinu Private Media House. Mikið tap er af þessum kaupum og situr verðbréfamiðlunin RS Platou Markets uppi með það tap en Platou festi kaup á Glitnir Securities eftir bankahrunið í fyrra.

Álverðið fór í 2.037 dollara á tonnið í morgun

Heimsmarkaðsverð á áli fór í 2.037 dollara á tonnið á markaðinum í London í morgun m.v. þriggja mánaða framvirka samninga og hefur verðið ekki verið hærra í ár. Það hefur tvisvar áður farið yfir 2.000 dollara í ár, í síðasta mánuði og í sumar.

Warren Buffett veðjar á matvöru og olíu

Almennir fjárfestar halda niðri í sér andanum þegar fréttist af því að ofurfjárfestirinn Warren Buffett hreyfi sig á markaðinum. Nú hefur Buffett, eða félag hans Berkshire Hathaway, ákveðið að veðja á matvöru og olíu með kaupum í Nestlé og Exxon.

Stoðir vilja fá mann í stjórn Royal Unibrew

Stoðir vilja fá mann í stjórn Royal Unibrew næststærstu bruggverksmiðju Danmerkur í krafti 16% eignarhlutar síns í fyrirtækinu. Það vill svo til að ein staða stjórnarmanns er ómönnuð í augnablikinu.

Vinatónar taldir vaxa hratt

Fjárfestingasjóðurinn Thule Investments og aðrir fjárfestar hafa aukið hlutafé ísraelska tæknifyrirtækisins Muzicall um níu milljónir dala, jafnvirði 1,1 milljarðs króna.

Ríkið fær þrettán prósent

Stjórnendur bandaríska bílarisans General Motors stefna á að greiða niður neyðarlán sem stjórnvöld vestra veittu fyrirtækinu til að forða því frá gjaldþroti fyrr á árinu. Endurgreiðslan á ekki að hefjast fyrr en eftir sex ár.

Fjórða hvert fyrirtæki í Kaupmannahöfn á leið í gjaldþrot

Fjórða hvert fyrirtæki í Kaupmannahöfn er á leiðinni í gjaldþrot. Hlutfallið er aðeins minna ef Stór-Kaupmannahafnarsvæðið er skoðað eða rúmlega 22%. Fjöldi þeirra fyrirtækja sem er á leiðinni í gjaldþrot í Danmörku hefur slegið nýtt með.

Madoff eyðir útivistinni í félagskap mafíuforingja

Stórsvindlarinn Bernhard Madoff afplánar lífstíðardóm sinn í breiðum hópi glæpamanna en útivistinni innan múranna eyðir hann í félagsskap mafíuforingjans Carmine John Persisco Jr. sem er núverandi höfuð Colombio-fjölskyldunnar þrátt fyrir að sitja bakvið lás og slá.

Fasteignaverð í Danmörku hækkar í fyrsta sinn í þrjú ár

Eftir að hafa lækkað nær stanslaust í þrjú ár fer fasteignaverð í Danmörku loksins hækkandi á ný. Þetta sýna nýjar tölur frá hagstofu Danmerkur.

Danske Bank upplifir írska martröð

Danske Bank hefur neyðst til þess að afskrifa írskar bankaeignir sínar um nokkra milljarða danskra kr., eða um 100 milljarða kr., það sem af er árinu. Danske Bank festi kaup á tveimur írskum bönkum árið 2005 þegar „Keltneski tígurinn" tók stökkið. Fyrir bankana borgaði Danske Bank sem svarar til 10,4 milljarða danskra kr.