Sport

Mari Jaersk lauk keppni á 34. hring

Ólafur Björn Sverrisson skrifar
Mari hljóp alls 34 hringi eða um 227 kílómetra.
Mari hljóp alls 34 hringi eða um 227 kílómetra. instagram

Ofurhlaupakonan Mari Jaersk hefur lokið keppni í Bakgarðshlaupi meistaranna sem fer fram í þýska smábænum Rettert. Hún lauk keppni á 34. hring en þá hafði hún hlaupið um 227 kílómetra, hvorki meira né minna. 

Fyrr í dag sagði Garpur Ingason í samtali við fréttastofu að Mari hafi glímt við magakveisu, þá á 27. hring. 

Fjölmargir hafa fylgst með í beinni á instagram-síðu Mari, þar sem fylgdarlið hennar sýnir frá komu Mari í mark, hvern hring. 

Mari Järsk varð í þrettánda sæti í kvennaflokki á heimsmeistaramóti landsliða í bakgarðshlaupum í október á síðasta ári eftir 36 hringi.

Þorleifur Þorleifsson er enn á hlaupum og virðist enn í góðum gír. Hægt er að fylgjast betur með honum á instagram-síðu Þorleifs. 

Af instagram-síðu Þorleifs. instagram

Í bakgarðshlaupi er tæplega sjö kílómetra hringur farinn á klukkutíma fresti þar til aðeins einn hlaupari stendur eftir. Umrætt hlaup er það næststærsta í heiminum og koma þar saman öflugustu bakgarðshlauparar heims.

Bakgarðshlaup Hlaup

Tengdar fréttir

Þorleifur í góðum málum en Mari í basli

Bakgarðshlaup meistaranna stendur nú yfir í þýska smábænum Rettert, skammt utan við Frankfurt. Þau Mari Järsk og Þorleifur Þorleifsson, sem unnu bakgarsðhlaupið á Íslandi í október eru á meðal 35 keppenda í hlaupinu í Þýskalandi.

Mest lesið


Fleiri fréttir

Sjá meira


×

Mest lesið