Hvað er Onana að gera?

Onana er utan landsliðshóps Kamerún líkt og hann hefur verið síðan í nóvember í fyrra vegna ósættis við stjórnendur knattspyrnusambandsins.

Hann getur því slakað á í Tyrklandi, hvar hann er lánsmaður hjá Trabzonspor frá Manchester United aðra leiktíðina í röð.

Hann birti í gær myndskeið í sögu sinni á Instagram af hreint ótrúlegri sogskálameðferð sem hann undirgengst þar sem bak hans er þakið af skálum. Auk sogskálanna er hann með fjölda kerta á bakinu einnig.

Um er að ræða meðferð sem nær langt aftur í tímann. Hún er talin draga úr vöðvaspennu, draga úr sársauka og auka blóðflæði.

Læknisfræðilegar rannsóknir hafa aftur á móti sýnt fram á takmörkuð áhrif meðferðarinnar.

Hún virðist þó hjálpa Onana sem hélt hreinu í fyrsta sinn á tímabilinu í 5-0 sigri Trabzonspor á Genclerbirligi síðustu helgi. Þar skoraði Mohamed Salah þrennu en þeir hafa orðnir miklir félagar eftir skipti Salah til Tyrklands í sumar.

Myndskeiðið sem Onana birti má sjá í spilaranum.