Innlent

Krefjandi sjúkra­flug milli Ís­lands og Græn­lands

Jón Þór Stefánsson skrifar
Ein þyrla og ein flugvél voru sendar í verkefnið.
Ein þyrla og ein flugvél voru sendar í verkefnið. Vísir/Vilhelm

Þyrla og flugvél landhelgisgæslunnar, sinna nú sjúkraflugi vegna veikinda í skemmtiferðarskipi sem statt er mitt á milli Grænlands og Vestfjarða. Þá er ein þyrla til viðbótar í viðbragðsstöðu í höfuðborginni.

Ásgeir Erlendsson, upplýsingafulltrúi Landhelgisgæslunnar, segir flugið krefjandi vegna þess hve langt skipið sé frá landi.

„Þetta er ansi langt flug og langur flutningur, þannig TF-Sif var líka kölluð út, eins og alltaf er gert þegar þarf að fara svona djúpt út. Hún annast fjarskipti og hjálpar við að finna heppilegustu flugleið,“ segir hann.

Að hans sögn er skemmtiferðarskipið um miðja vegu milli Íslands og Grænlands, í norðvesturátt frá Vestfjörðum.

Ásgeir segir erfitt að áætla hvenær þyrlurnar koma til baka.

Fréttin hefur verið uppfærð.

Landhelgisgæslan Sjúkraflutningar Grænland

Mest lesið


Fleiri fréttir

Sjá meira


×

Mest lesið