Fleiri hlynntir en and­vígir sam­kvæmt nýrri könnun

Ef einungis er horft til þeirra sem tóku afstöðu sögðust 53,1 prósent vera jákvæðir en 46,9 prósent andvígir. Greint er frá niðurstöðunum í frétt DV. Þar kemur fram að lítill munur hafi verið milli kynja en nokkuð misjafnt var eftir aldurshópum. Mældist andstaða mest hjá fólki á aldrinum 70 ára og eldri.

Þjóðaratkvæðagreiðsla um aðildarviðræður Íslands við Evrópusambandið fer fram 29. ágúst. Könnun Maskínu var framkvæmd 2. til 11. júní og voru svarendur 1.856 talsins. Þar af tóku 1.558 afstöðu.

Könnun sem Gallup framkvæmdi nýlega fyrir Viðskiptablaðið gaf til kynna að minni stuðningur sé við inngöngu í Evrópusambandið en aðildarviðræður. Mældist þar meirihluti þeirra sem tóku afstöðu andvígur því að Ísland yrði hluti af Evrópusambandinu. 

Sögðust 39 prósent svarenda Gallup fylgjandi, 46 prósent andvíg og 16 prósent hvorki fylgjandi né andvígir aðild Íslands. Svipuð niðurstaða birtist þegar Gallup kannaði afstöðu til aðildar í byrjun apríl.