Fékk aftur verð­launa­sæti í For­múlu 1 sex dögum eftir harða refsingu

Það er vinnuveitandi Gasly, Alpine, sem tilkynnti á föstudag um ákvörðunina sem var tekin eftir að Alþjóðaakstursíþróttasambandið (FIA) fór yfir ný gögn í málinu.

Alpine segir að liðið fagni niðurstöðunni.

„Við viljum þakka FIA og stjórnendum Formúlu 1 fyrir hreinskilni þeirra og samvinnu í gegnum ferlið og fyrir að hafa komist að þessari niðurstöðu,“ skrifar liðið á miðla sína.

Gasly kom í mark í Mónakó í þriðja sæti en var færður neðar á listann vegna tímarefsinga sem hann hafði fengið í keppninni. Tíu sekúndurnar sem Frakkinn fékk voru fyrir að hafa ekið of hratt í gegnum þjónustusvæðið.

Vegna áfrýjunarinnar missir Red Bull-ökumaðurinn Isack Hadjar þriðja sætið sem hann taldi sig hafa tryggt sér í furstadæminu um síðustu helgi.