Meiri­háttar truflanir á greiðslu­miðlun á Norður­löndum

Í umfjöllun sænska ríkisútvarpsins segir að truflanirnar hafi byrjað um níuleytið í morgun að sænskum tíma. Þá hefur fréttastofu borist myndir frá Kaupmannahöfn þar sem má sjá fólk í biðröðum við hraðbanka.

Í frétt SVT segir að meira en 140 þúsund fyrirtæki nýti sér greiðslulausnir á vegum Nets. Hefur fyrirtækið sagt að verið sé að kanna hvað hafi valdið biluninni. Á meðan eigi fyrirtæki að geta nýtt sér leiðir til þess að taka við greiðslum utan nets beri viðskiptavinir fram fýsísk greiðslukort.

Þá segir SVT að ekki sé um að ræða fyrstu víðtæku bilunina í greiðslumiðlun Nets. Sambærilegt atvik hafi komið upp í júlí á síðasta ári. Danska ríkisútvarpið hefur eftir Morten Bødskov fjármálaráðherra Danmerkur að yfirvöld líti bilunina alvarlegum augum, þá sérstaklega þar sem um sé að ræða endurtekið efni.