Skiluðu hlut­höfunum rúmum sjö milljörðum í hagnað

Það gerði hagnað á hlut 5,33 krónur samanborið við 4,59 krónur fyrir ári síðan. Hreinar þjónustutekjur bankanslækkuðu hins vegar milli ára, í lok fyrsta ársfjórðungs 2026 eru þær 3,9 milljarðar króna en voru 4,5 milljarðar króna í lok fyrsta ársfjórðungs 2025.

„Afkoma bankans á fyrsta ársfjórðungi er í samræmi við væntingar og markmið. Tekjur Arion samstæðunnar byggja á fjölbreyttum stoðum sem hefur sveiflujafnandi áhrif og eykur áhættudreifingu. Áfram er samstæðan fjárhagslega sterk og með góða eigin- og lausafjárstöðu sem gerir okkur kleift að efla þjónustu við viðskiptavini enn frekar en einnig takast á við þær margvíslegu áskoranir sem eru í ytra umhverfi,“ er haft eftir Benedikt Gíslasyni, bankastjóra Arion banka, í tilkynningu.

Einnig jukust lán til viðskiptavina um 23,2 milljónir króna eða 1,7 prósent á fjórðungnum á meðan kaup eigin hlutabréfa og arðgreiðslur námu 20,7 milljörðum króna. 

„Vegna hárra vaxta hefur undanfarin misseri verið mikil eftirspurn eftir verðtryggðum íbúðalánum og var nokkur vöxtur í lánum til einstaklinga á ársfjórðungnum. Fyrir bankann fylgir sá ókostur verðtryggðum íbúðalánum að þau eru að miklu leyti fjármögnuð með óverðtryggðum hætti, til dæmis í gegnum innlán viðskiptavina. Það leiðir til ójöfnuðar í efnahag bankans, þar sem verðtryggðar eignir eru umtalsvert meiri en verðtryggðar skuldir, og sveiflna í tekjum í takt við verðbólgu og verðbætur. Reiknaðar verðbætur voru umtalsverðar á fyrsta ársfjórðungi enda verðbólga óvenju mikil á tímabilinu,“ segir Benedikt.

Rekstur Varðar skilaði 100 milljóna króna tapi, samanborði við sex hundruð milljóna króna tapi fyrir ári síðan. Kjarnatekjur, það er hreinar vaxta-, þóknana- og tryggingatekjur án rekstrarkostnaðar tryggingastarfseminnar, jukustu um rúm tuttugu prósent í samanburði við fyrsta ársfjórðung 2025.