Sport

Besta sætið: Blikar spila leiðin­legasta bolta deildarinnar

Henry Birgir Gunnarsson skrifar
Blikar hafa ekki verið að skemmta neinum það sem af er sumri.
Blikar hafa ekki verið að skemmta neinum það sem af er sumri. vísir/guðmundur

Venju samkvæmt var af nægu að taka fyrir Besta sætið enda ekki beint hægt að segja að það sé rólegt í íþróttalífinu þessi dægrin.

Besta deild karla er þó í forgrunni í þætti dagsins. Fimm leikir eru á dagskránni í kvöld.

Topplið KR fær FH í heimsókn og svo er spurning hvort Samúel Kári spili fyrir Val gegn Stjörnunni. Skagamenn mæta örugglega reiðir í Víkina svo eru Blikar að taka á móti Þórsurum. Besta veislan hefst þó klukkan 17.30 er Fram tekur á móti ÍBV.

Besta sætið ætlar ekki að missa af leik KR og FH enda er KR að spila langskemmtilegasta bolta deildarinnar. Að sama skapi er þátturinn á því að Blikar spili leiðinlegasta boltann sem er ótrúlegt miðað við mannskapinn sem þeir hafa.

Glórulaust rautt spjald í fyrsta leik Vals og FH um Íslandsmeistaratitilinn í handbolta karla hafði mikil áhrif á gang mála. FH-ingar verða að svara á heimavelli sínum í kvöld.

Grindavík getur sópað Njarðvík í frí í Bónus deild kvenna og Man. Utd er í eldlínunni í enska boltanum. Svokallað sjö skjáa kvöld í Besta sætinu.

Besta sætið

Mest lesið


Fleiri fréttir

Sjá meira


×

Mest lesið