Bene­dikt byrjaði úr­slita­keppnina vel

Kolstad tók á móti Nærbö á heimavelli sínum og vann níu marka sigur, 35-26, eftir að hafa verið þremur mörkum yfir í hálfleik, 14-11. Tvo sigra þarf til að komast í undanúrslit.

Benedikt var kominn með fjögur mörk úr fjórum skotum í hálfleik og endaði leikinn með því að koma að fjórtán mörkum, skoraði tíu mörk sjálfur og gaf fjórar stoðsendingar.

Fjögur af tíu mörkum hans komu úr vítum en hann nýtti öll skot sín nema eitt og var því með yfir níutíu prósent skotnýtingu.

Sigvaldi Björn Guðjónsson skoraði fjögur mörk og komu þau öll í seinni hálfleiknum.

Sigurjón Guðmundsson fékk ekki að spreyta sig í markinu að þessu sinni en Nicolai Neupart varði fimmtán skot.