Handbolti

Stelpurnar okkar í neðsta styrk­leika­flokki fyrir EM

Aron Guðmundsson skrifar
island
Vilhelm Gunnarsson

Stelpurnar okkar í íslenska kvennalandsliðinu í handbolta verður í neðsta styrkleikaflokki þegar að dregið verður í riðla fyrir Evrópumót landsliða í Póllandi á fimmtudaginn.

Ísland tryggði sér í gær sæti á sínu fjórða stórmóti í röð í kvennaflokki með öruggum sigri á Portúgal hér heima. Ísland fer á mótið sem eitt af liðunum í þriðja sæti riðlanna í undankeppni EM með besta árangurinn. 

Evrópumót kvenna í handbolta verður haldið í fimm löndum í desember í lok þessa árs. Gestgjafaþjóðirnar verða Tékkland, Pólland, Rúmenía, Slóvakía og Tyrkland. 

Tuttugu og fjórar þjóðir eiga landslið á mótinu og hefur liðunum verið skipt niður í fjóra styrkleikaflokka fyrir drátt fimmtudagsins. 

Hver riðill á Evrópumótinu er skipaður fjórum liðum, einu úr hverjum styrkleikaflokki. 

Auk Íslands eru Króatía, Serbía, Norður-Makedónía, Úkraína og Grikkland í fjórða styrkleikaflokki. Styrkleikaflokkana fjóra má sjá hér fyrir neðan: 

Styrkleikaflokkar fyrir EM 2026:

 Styrkleikaflokkur 1: Noregur, Danmörk, Ungverjaland, Frakkland, Svíþjóð og Holland

 Styrkleikaflokkur 2: Þýskaland, Svartfjallaland, Pólland, Rúmenía, Spánn og Tékkland

 Styrkleikaflokkur 3: Tyrkland, Slóvakía, Slóvenía, Sviss, Austurríki og Færeyjar:

 Styrkleikaflokkur 4: Króatía, Serbía, Ísland, Norður-Makedónía, Úkraína og Grikkland

EM kvenna í handbolta 2026 Landslið kvenna í handbolta Handbolti

Mest lesið


Fleiri fréttir

Sjá meira


×

Mest lesið