Besta sætið: Davíð tuðaði yfir tuðverðlaununum

Henry Birgir, Stefán Árni og Valur Páll fóru vel yfir spána fyrir Bestu deild karla sem var opinberuð í dag. Sitt sýnist hverjum um hvernig þetta fer allt saman en ljóst er að deildin verður hrikalega áhugaverð.

Einnig var farið yfir leikmannakönnun sem leiddi í ljós að flestir leikmanna Bestu deildarinnar myndu kjósa Sjálfstæðis- og Miðflokkinn í dag. Einnig var tuðari deildarinnar afhjúpaður á fundinum. Kjartan Atli Kjartansson nefndi verðlaunin í höfuð FH-ingsins Davíðs Þórs Viðarssonar. Sá tuðaði yfir því. Mjög skemmtilegt.

Sópurinn verður líklega á lofti í Bónus-deild kvenna í kvöld samkvæmt þættinum en meiri spenna er karlamegin sem stendur.

Svo er Masters-mótið í golfi að hefjast og margir sem gleðjast yfir því. Meistaradeildin er líka í kvöld og ljóst að flestir þurfa 3-4 sjónvörp þessa dagana til þess að komast yfir allt efnið á Sýn Sport.

Besta sætið er hlaðvarp íþróttadeildar Sýnar. Það kemur út alla virka daga og er aðgengilegt á öllum helstu hlaðvarpsveitum.