„Engar af­sakanir, Breiða­blik vann bara 3-1“

„Það voru fullt af fínum köflum hjá FH liðinu í dag. Það var brösug byrjun þar sem við vorum engan veginn að tengja saman sendingar og það tók smá tíma að komast inn í leikinn,“ sagði Guðni, eftir leikinn.

Breiðablik komst yfir snemma í leiknum og í þann mund sem FH var að komast inn í leikinn bættu Blikar við öðru marki.

„Þær skora mark og allt í góðu með það. Við náum að vinna okkur aðeins inn og fengum mjög gott færi til þess að jafna leikinn en fáum svo annað mark í andlitið.“

„Breiðablik á svo sitt moment í upphafi seinni hálfleiks og þær voru flottar. Við unnum okkur svo inn til baka og áttum prýðis moment hér og þar. Það eru engar afsakanir, Breiðablik vann bara 3-1.“

FH er líkt og Breiðablik með nýja leikmenn og breytt lið frá síðasta timabili. Guðni segir liðið þurfa aðeins meiri tíma til þess að ná saman á vellinum.

„Maður sér á FH liðinu að við erum að spila okkur saman. Við erum með nýja leikmenn og það tekur smá tíma að spila sig saman. Að leikmenn farið að þekkja inn á hvor aðra, hlaup og annað slíkt. Það var alveg þannig bragur í dag að það vantaði upp á tenginguna. Hún kemur og við höfum ennþá smá tíma til þess að bæta úr því. Sumarið lofar góðu hjá FH liðinu.“