Sigur­jón fékk heiðurs­verð­laun SVEF

Verðlaunin eru veitt ár hvert á vegum Samtaka vefiðnaðarins (SVEF). Að auki voru veitt heiðursverðlaun SEF en þau hlýtur sá sem þykir hafa lagt mikið af mörkum til vefmála á Íslandi.

Lestrarappið Undralingur hlaut verðlaun fyrir besta appið og skákaði þar bæði appi Íslandsbanka og Nova. Lestrarappið var einnig valið stafræna lausn ársins. Nýr vefur Kvikmyndamiðstöðvar Íslands hlaut verðlaun fyrir efnis- og fréttaveitu ársins og var opinber vefur ársins. 

Þá var ferðaþjónustuvefur ársins nýr vefur Íslandsstofu - Inspired by Iceland. Vefurinn fékk einnig verðlaun í flokknum hönnun og viðmót ársins.

Fyrirtækjavefur ársins hjá litlu fyrirtækja var Lesa, meðalstóru fyrirtæki vefur Tixly og stóru fyrirtæki vefur Eflu. Gervigreind ársins var stafrænn ráðgjafi Elko og gæluverkefni ársins Rástímar.is. HMS: Byggingarleyfi á Íslandi hlaut verðlaun fyrir innri vef ársins og Ræktum vitið fyrir markaðsvef ársins.

Nemendur Tækniskólans hlutu verðlaun fyrir nemendaverkefni ársins fyrir Pokédexdle og stóðu Kolibri og Okkar heimur að samfélagsvef ársins, Okkar heimur. Söluvefur ársins var söluvefur Orkureitsins og tækninýting ársins Silva - Þín heilsa, þín sýn.

Að lokum hreppti Sigurjón Ólafsson, ráðgjafi og eigandi Fúnksjón vefráðgjafar, heiðursverðlaunin.