Snög­greiddust Ómari og báðu hann um að róa sig gegn Dönum

Leiknum lauk með sigri Dana sem enduðu á því að standa uppi sem Evrópumeistarar með sigri á lærisveinum Alfreðs Gíslasonar í þýska landsliðinu. 

Strákarnir okkar enduðu í fjórða sæti mótsins eftir tap gegn Króötum í leiknum um bronsverðlaun. 

Það var hart barist í leik Danmerkur og Íslands og það sést frá sjónarhorni dómara leiksins en þeir voru gagnrýndir af leikmönnum Íslands eftir leik. 

„Við fáum oft og tíðum bara ekki að spila handbolta. Við erum að brjótast í gegn en þeir bara stoppa. Afhverju veit ég ekki. Það tekur líka flæðið úr okkur, þegar þeir eru alltaf að stoppa leikinn og leyfa okkur ekki bara að spila handbolta. Þetta er kannski aðeins of mikið tuð um dómara en þetta eru fyrstu viðbrögð,“ sagði Gísli Þorgeir í viðtali við Sýn eftir leikinn. 

Sjá má í myndabandinu þegar að dómararnir missa þolinmæðina gagnvart landsliðsfyrirliðanum Ómari Inga Magnússyni sem taldi slegið í andlitið á sér í eitt skipti er hann reyndi að brjóta sér leið í gegnum dönsku vörnina. 

„Hættu þessu,“ má heyra þegar að dómarinn snöggreiðist Ómari. „Þú verður að róa þig niður.“

Þetta áhugaverða sjónarhorn frá leik Íslands og Danmerkur í undanúrslitum EM í handbolta má sjá í myndabandinu hér fyrir neðan: