Þórir ráð­leggur þjálfurum Noregs líka í þrjá­tíu prósent starfi

Þórir tekur að sér þrjátíu prósent starf hjá Olympiatoppen, afreksmiðstöðinni innan norska Íþrótta- og Ólympíusambandsins. Þar mun hann starfa sérstaklega með þjálfurum og veita þeim góð ráð.

Norskir afreksþjálfarar munu því hafa úr djúpum viskubrunni að sækja en Þórir er sigursælasti þjálfari í sögu kvennahandboltans. Hann stýrði landsliði Noregs á tuttugu stórmótum frá 2009-24 og vann sextán sinnum til verðlauna, þar af voru ellefu gullverðlaun.

Síðan hann hætti þjálfun hefur Þórir unnið sem ráðgjafi. Hann er í þrjátíu prósent starfi sem ráðgjafi hjá Handknattleikssambandi Íslands, tuttugu prósent starfi sem ráðgjafi Handknattleikssambandi Noregs og núna kominn í þrjátíu prósent starf hjá afreksmiðstöð Noregs.

Auk þess rekur Selfyssingurinn sitt eigið ráðgjafafyrirtæki.

Þegar hann tók að fyrst sér starfið hjá HSÍ vorið 2025 sagði Þórir að hann myndi gefa sig hundrað prósent í þetta þrjátíu prósent starf. Ljóst er þó að það er orðið nokkuð teygt á ráðum Þóris þegar að minnsta kosti þrjú sambönd sækja í sérþekkingu hans samtímis.