KA hafði betur gegn ÍBV í spennutrylli á Akur­eyri

Eyjamenn höfðu yfirhöndina í fyrri hálfleik og leiddu með tveimur mörkum þegar að liðin gengu inn til búningsherbergja í hálfleik, 13-15.

ÍBV hélt uppteknum hætti í byrjun seinni hálfleiks og komst snemma fimm mörkum yfir í stöðunni 14-19.

En í það forskot tókst heimamönnum í KA að kroppa í eftir því sem leið á hálfleikinn og þegar rétt rúmar átta mínútur eftir lifðu leiks jafnaði Giorgi Arvelodi metin fyrir KA í stöðuna 24-24. 

Það sem eftir lifði leiks var mikil spenna ríkjandi en KA tókst að komast einu marki yfir. Eyjamenn sleppti þeim ekki lengra frá sér og voru lokamínúturnar afar spennandi.

Svo fór að KA sigldi heim eins marks seiglusigri, 29-28. Sigurinn sér til þess að KA lyftir sér yfir ÍBV í 5.sæti deildarinnar og er þar með 24 stig, einu stigi meira en ÍBV.

Einar Rafn Eiðsson var markahæstur í liði KA með níu mörk. Hjá ÍBV voru það Hákon Daði Styrmisson og Andri Erlingsson sem voru markahæstir með sjö mörk hvor.