Handbolti

Þor­steinn inn en Andri og Elvar fyrir utan

Valur Páll Eiríksson skrifar
Þorsteinn Leó Gunnarsson kemur inn í leikmannahóp Íslands í dag.
Þorsteinn Leó Gunnarsson kemur inn í leikmannahóp Íslands í dag. vísir/Vilhelm

Þorsteinn Leó Gunnarsson kemur inn í leikmannahóp Íslands fyrir leik dagsins við Króatíu líkt og búist var við eftir að skyttan stóra var skráð af HSÍ á mótið í gær.

18 leikmenn eru í æfingahópi Íslands en aðeins 16 mega vera á leikskýrslu í hverjum leik. Einar Þorsteinn Ólafsson kom inn í hópinn í stað Andra Más Rúnarssonar í síðasta leik við Ungverjaland. Í þeim leik meiddist Elvar Örn Jónsson en Elvar Ásgeirsson var kallaður til æfinga í stað nafna síns.

Þorsteinn Leó kemur nú inn í hópinn í stað Elvar Arnar Jónssonar og er einn 16 leikmanna Íslands á skýrslu. Þeir Andri Már Rúnarsson og Elvar Ásgeirsson horfa á leikinn úr stúkunni.

Leikmannahópur Íslands:

Markmenn

  • Björgvin Páll Gústavsson, Valur (290/26)
  • Viktor Gísli Hallgrímsson, FC Barcelona (78/2)

Aðrir leikmenn

  • Arnar Freyr Arnarsson, Melsungen (110/117)
  • Bjarki Már Elísson, Veszprém (131/432)
  • Einar Þorsteinn Ólafsson, Hamburg (28/7)
  • Elliði Snær Viðarsson, Gummersbach (67/144)
  • Gísli Þorgeir Kristjánsson, Magdeburg (78/187)
  • Haukur Þrastarson, Rhein-Neckar Löwen (50/71)
  • Janus Daði Smárason, Pick Szeged (103/188)
  • Orri Freyr Þorkelsson, Sporting (35/119)
  • Óðinn Þór Ríkharðsson, Kadetten Schaffhausen (61/184)
  • Ómar Ingi Magnússon, Magdeburg (97/356)
  • Teitur Örn Einarsson, Gummersbach (51/47)
  • Viggó Kristjánsson, Erlangen (76/226)
  • Ýmir Örn Gíslason, Göppingen (111/48)
  • Þorsteinn Leó Gunnarsson, Porto (19/39)

Leikur Íslands og Króatíu hefst klukkan 14:30 og er lýst beint hér.

Landslið karla í handbolta EM karla í handbolta 2026

Mest lesið


Fleiri fréttir

Sjá meira


×

Mest lesið