Arctic Fish fær heimild til frekara fisk­eldis

Matvælastofnun greinir frá því í tilkynningu að hún ætli veita Arctic Smolt ehf. Norðurbotni rekstrarleyfi vegna seiðaeldis á landi að Norðurbotni í Tálknafirði. 

Rekstrarleyfið veitir Arctic Smolt ehf., sem er hluti af Arctic Fish samsteypunni, heimild fyrir eldi með allt að 2.400 tonna hámarkslífmassa.

Fyrirtækið hafði áður heimild fyrir seiðaeldi með allt að 1.000 tonna hámarkslífmassa. Fyrirtækið sótti um rekstrarleyfi fyrir 2.400 tonna lífmassa þann 5. júlí 2022 og tæplega þriggja ára bið eftir leyfinu er þannig á enda.

Maí 2024 barst Mast tilkynning frá Arctic Smolt ehf. um óhapp sem leiddi til stroks eldislax úr fiskeldisstöð þeirra að Norðurbotni. Fyrirtækið tók þó fram á þeim tíma að það teldi enga ástæðu til að ætla að óhappið ógnaði villtum laxastofnum.

Arctic Fish ehf., yfirfélag Smolt, hefur vakið athygli í fjölmiðlum síðustu daga vegna flutnings á fóðurstöð Arctic fish frá Þingeyri á Ísafjörð. Áformin eru umdeild og Eyjólfur Ármansson innviðaráðherra sakaði forsvarsmenn fyrirtækisins um skort á samfélagslegri ábyrgð fyrirtækisins vegna ákvörðunar um flutning starfa frá Þingeyri. Daníel Jakobsson forstjóri vísaði því á bug í kvöldfréttum Sýnar í gær.