Sæ­dís með tvö og lagði upp í stór­sigri Vålerenga

Sædís Heiðarsdóttir byrjaði leikinn fyrir Vålerenga í Noregi þegar þær mættu Hönefoss. Vålerenga vann leikinn 7-0 en Sædís var allt í öllu. Hún skoraði fyrstu tvö mörk leiksins, lagði upp þriðja markið, og var svo tekin af velli á 63. mínútu leiksins.

Kristianstad og Linköping mættust í sænsku úrvalsdeildinni, en þar voru þrír Íslendingar sem byrjuðu leikinn og ein var á bekknum. Alexandra Jóhannesdóttir og Katla Tryggvadóttir byrjuðu leikinn fyrir Kristianstad, en Guðný Árnadóttir var á bekknum. María Catharína Ólafsdóttir Grós byrjaði fyrir Linköping.

Kristianstad vann leikinn 3-1 en Katla lagði upp annað mark þeirra. Alexandra og María spiluðu allan leikinn, en Guðný kom ekki inn af bekknum.

Þá mætti Íslendinga lið Rosnegard, Vittsjö. Guðrún Arnardóttir spilaði allan leikinn í hafsentinum og Ísabella Sara Tryggvadóttir kom inn af bekknum á 72. mínútu. Leikurinn endaði í 2-2 jafntefli.