Kvörtun Red Bull „smá­muna­semi“ og „vand­ræða­leg“

George Russell kom fyrstur í mark í kanadíska kappakstrinum um helgina og tryggði Mercedes-liðinu þar með sinn fyrsta sigur á tímabilinu. 

Liðsfélagi hans, Kimi Antonelli, var einnig á verðlaunapalli, en hann kom þriðji í mark, á eftir heimsmeistaranum Max Verstappen á Red Bull sem varð annar.

Klára þurfti keppnina á eftir öryggisbíl eftir að Lando Norris á McLaren keyrði á liðsfélaga sinn Oscar Piastri þegar fjórir hringir voru eftir.

Liðsmenn Red Bull voru hins vegar ósáttir að keppni lokinni og sendu inn kvörtun til FIA. Liðinu þótti Russell keyra óreglulega fyrir aftan öryggisbílinn og að hann hafi sýnt af sér óíþróttamannslega framkomu.

„Í fyrsta lagi tók það Red Bull liðið tvo klukkutíma að senda frá sér þessa kvörtun,“ sagði Wolff í samtali við Sky Sports.

„Þetta er svo mikil smámunasemi. Þeir finna einhverjar furðulegar klásúlur, sem þeir kalla klásúlur. Ég held að FIA þurfi að skoða þetta því þetta var svo langsótt að kvörtuninni var hafnað.“

„Þú keppir og þú vinnur eða tapar á brautinni. Þetta var sanngjarn sigur hjá okkur, eins og þeir hafa unnið marga sanngjarna sigra áður. Þetta var bara vandræðalegt,“ sagði Wolff að lokum.