Körfubolti

Bene­dikt hættur með Tinda­stól

Runólfur Trausti Þórhallsson skrifar
Mun ekki stýra Stólunum á næstu leiktíð.
Mun ekki stýra Stólunum á næstu leiktíð. Vísir/Jón Gautur

Benedikt Rúnar Guðmundsson og Tindastóll hafa ákveðið að fara í sitthvora áttina. Hann stýrði liðinu til úrslita á nýafstaðinni leiktíð en þar máttu Stólarnir þola tap gegn Stjörnunni í hörkurimmu.

Körfuknattleiksdeild Tindastóls greinir frá ákvörðuninni á samfélagsmiðlum sínum í kvöld. Þar segir:

„Stjórn körfuknattleiksdeildar hefur komist að samkomulagi við Benedikt Guðmundssonum um að hann haldi ekki áfram þjálfun meistaraflokks karla. Stjórn Körfuknattleiksdeildar Tindastóls þakkar Benedikt fyrir hans störf og framlag til skagfirska körfuboltasamfélagsins og óskar honum velfarnaðar í framtíðinni.

„Ég vil þakka Skagfirðingum fyrir stuðningin þennan tíma sem ég hef verið partur af Tindastólsfjölskyldunni. Hér leið mér vel og er ofboðslega svekktur að hafa ekki náð að landa Íslandsmeistaratitlinum fyrir samfélagið, segir Benedikt og bætir við:

„Ég verð ævinlega þakklátur fyrir þennan tíma. Hér er frábær stjórn og frábærir sjálfboðaliðar sem hafa búið til stórkostlega umgjörð sem var heiður að vera partur af. Takk kærlega aftur fyrir mig. Kveðja, Benedikt Rúnar Guðmundsson.”




Fleiri fréttir

Sjá meira


×