Munu flytja í nýja verslunar- og þjónustu­mið­stöð á Húsa­vík

Í tilkynningu frá Samkaupum segir að samningur hafi verið gerður við KSK eignir ehf. um leigu rýminu. 

Haft er eftir Gunnari Agli Sigurðssyni, forstjóra Samkaupa, að félagið hafi um langt skeið leitað lausna á verslunarmálum á Húsavík. „Núverandi húsnæði Nettó verslunar er of lítið og þröngt og því sé þessi lausn afar ánægjuleg. 

„Nú tekur við frekari hönnun og skipulag og innan fárra ára mun Nettó opna glæsilega verslun að Vallholtsvegi 8.“ 

Þá ef haft eftir Brynjari Steinarssyni, framkvæmdastjóra KSK eigna, að félagið sé mjög ánægð með hafa tryggt sér þessa frábæra staðsetningu í miðbæ Húsavíkur fyrir nýja verslunar- og þjónustumiðstöð. „Nettó verður við Vallholtsveg 8 en Vallholtsvegur 10 mun einnig fá góða andlitslyftingu þannig að báðar fasteignirnar myndi eina heild. Framundan eru því spennandi tímar í hönnun svæðisins sem og að taka samtal við heimamenn og rekstraraðila sem kunna að hafa áhuga á að koma að verkefninu. Samhliða hafa áform um byggingu nýs verslunarhúss í jaðri bæjarins verið lögð til hliðar.“

Netto rekur nú matvöruverslun við Garðarsbraut 64 á Húsavík.