Hópur drengja rændi fimm­tán ára dreng og stal af honum úlpu

Jóhann Karl Þórisson, aðstoðaryfirlögregluþjónn hjá lögreglunni á höfuðborgarsvæðinu, staðfestir í samtali við fréttastofu að drengurinn hafi gangi með vini sínum í undirgöngum við Smáralind þegar sex drengja hópur gengur til þeirra og hótar þeim. Morgunblaðið greindi fyrst frá.

Öðrum drengjanna tókst að koma sér undan og hringja í lögregluna. Hópurinn hótaði hinum drengnum ofbeldi léti hann ekki úlpuna sína af hendi sem hann gerði en í úlpunni voru einnig heyrnartól af gerðinni Airpods.

Jóhann segir að ekki sé talið að tengsl séu á milli gerendanna og þolandans. Málið er til rannsóknar hjá lögreglu.