Innlent

Lenti á Ís­landi eftir fæðingu í há­loftunum

Jón Ísak Ragnarsson skrifar
Flugvélin nauðlenti í Keflavík eftir að kona hafði fætt barn um borð á flugi yfir Grænlandi.
Flugvélin nauðlenti í Keflavík eftir að kona hafði fætt barn um borð á flugi yfir Grænlandi. Brunavarnir Suðurnesja

Flugvél frá úsbeksku flugfélagi lenti á Keflavíkurflugvelli í dag eftir að kona hafði fætt barn í vélinni þegar hún var á flugi yfir Grænlandi. Móðir og barn voru flutt á sjúkrahús til aðhlynningar, og heilsast báðum vel.

Frá þessu greina Brunavarnir Suðurnesja og rússneski miðillinn Tass.

Fram kemur hjá Tass að flugvélin hafi verið á leið frá Taskent í Úsbekistan til New York í Bandaríkjunum þegar kona um borð fékk hríðir, og fæddi svo dreng nokkru síðar.

Um borð hafi verið skurðlæknir og ljósmóðir sem aðstoðuðu við fæðinguna.

Í tilkynningu Brunavarna Suðurnesja segir að ljósmóðir og sjúkraflutningarmenn hafi verið sendir á staðinn og flutt fólkið til aðhlynningar. Drengurinn hafi verið fyrirburi en bæði móður og barni heilsist vel.

Sjúkraflutningamenn biðu komu flugvélarinnar.Brunavarnir Suðurnesja
Keflavíkurflugvöllur Fréttir af flugi Úsbekistan

Mest lesið


Fleiri fréttir

Sjá meira


×

Mest lesið