Kassi með utankjörfundaratkvæðum barst ellefu dögum of seint

„At­kvæðin voru send með flugi en ég veit ekki hvar þau stoppuðu. Það kom í ljós þegar kass­inn var opnaður að þetta voru utan­kjör­fund­ar­at­kvæði. Við lokuðum hon­um aft­ur enda get­um við ekki unnið með það sem kem­ur svona seint. Það vissi eng­inn að þessi at­kvæði væru á leiðinni,“ sagði Gest­ur við blaðið.

Landskjörstjórn var tilkynnt um atvikið og kassinn með atkvæðunum er ennþá til.

Greint var frá því í gær að utankjörfundaratkvæði hefðu legið eftir og ótalin á bæjarskrifstofum Kópavogs en samkvæmt frétt Morgunblaðsins virðist það hafa gerst víðar að atkvæði fóru forgörðum.

Blaðið hafði eftir bæjarritara í gær að atkvæðin hefðu verið tólf til fimmtán talsins en þau voru 25.