Viðskipti innlent

Ár­s­verðbólga ó­breytt á milli mánaða

Kjartan Kjartansson skrifar
Flugfargjöld til útlanda hækkuðu um átta prósent á milli mánaða í desember.
Flugfargjöld til útlanda hækkuðu um átta prósent á milli mánaða í desember. Vísir/Vilhelm

Vísitala neysluverðs hækkaði um 0,39 prósent á milli mánaða í desember en verðbólga mæld á ársgrundvelli stendur í stað samkvæmt nýjum tölum Hagstofu Íslands. Reiknuð húsaleiga hækkaði um hálft prósent og flugfargjöld til útlanda um átta prósent á milli mánaða.

Síðastliðna tólf mánuði hefur vísitalan hækkað um 4,8 prósent en 2,8 prósent ef húsnæðisverð er ekki tekið með í reikninginn. Verðbólga hefur farið hjaðnandi á árinu en ársverðbólga mældist 6,7 prósent í janúar.

Ársmeðaltal vísitölu neysluverð á þessu ári var 5,9 prósent hærra en ársins 2023. Árið 2023 var samsvarandi breyting 8,8 prósent og 8,3 prósent árið 2022.

Án húsnæðis var meðaltalið 3,8 prósentum ofan við meðalvísitöluna 2023. Hækkunin nam 7,8 prósentum í fyrra og 6,1 prósenti árið 2022.

Efnahagsmál Verðlag Íslenska krónan


Mest lesið


Fleiri fréttir

Sjá meira


×

Mest lesið