Ræddu stóra LeBron James og P. Diddy málið

Gefið var út að James væri í leyfi af persónulegum ástæðum en sumir vilja meina að fjarvera hans hjá Los Angeles Lakers sé komin til vegna vináttu hans við P. Diddy sem situr nú í fangelsi grunaður um margvísleg ofbeldisbrot og kynferðisafbrot.

LeBron mun hafa ítrekað verið staddur í alræmdum partíum hjá Diddy í gegnum árin.

„Enginn hjá Lakers vissi í raun hvenær hann væri að koma til baka,“ segir Hörður Unnsteinsson, körfuboltasérfræðingur í þætti kvöldsins í Lögmáli leiksins sem verður á Stöð 2 Sport 2 klukkan átta.

„Við sáum það samt alveg í nótt að þetta var augljóslega eitthvað sem LeBron þurfti. Ætli hann hafði ekki bara skotist í frí með fjölskyldunni,“ segir Leifur Steinn Árnason sem telur að fjarvera James tengist ekki P. Diddy.

Hér að neðan má sjá umræðu um málið.