Vill laða að lágverðsverslun á Krókinn Jakob Bjarnar skrifar 23. september 2024 15:05 Álfhildur sver og sárt við leggur að tillaga hennar sé ekki árás á gamlar og góðar stofnanir á Króknum svo sem Kaupfélagið og Hlíðarkaup. Íbúarnir vilji lægra vöruverð, en það þarf að brjóta eggin í þá ommilettu. aðsend Álfhildur Leifsdóttir, sveitarstjórnarmaður í Skagafirði, hefur stuggað við kaupmönnum á Sauðárkróki, með tillögu um að sveitarstjórnin laði að lágverðsverslun á svæðið með ókeypis lóð á nýju athafnasvæði í bænum. Álfhildur vill ekki kannast við að allt sé í háaloft vegna tillögunnar sem hún lagði fram í skipulagsnefnd nýverið. Þar var tillagan samþykkt og vísað til afgreiðslu í sveitarstjórninni. „Neineinei, þetta eru bara heilbrigð skoðanaskipti,“ segir Álfhildur og hlær. Hún er fulltrúi Vinstri grænna í sveitarstjórn en starfar sem grunnskólakennari. Hún bætir því við að vissulega sé um spennandi atburðarás að ræða. Tillagan gengur út á sveitarstjórnin muni nýta sér 8. grein um vilyrði þegar úthlutun verður á nýju athafnasvæði á Sauðárkróki og höfða sérstaklega til lágverðsverslana. En engin slík finnist milli Borgarness og Akureyrar. Með slíkri verslun fá „íbúar aðgang að fjölbreyttu úrvali af vörum á lægra verði sem getur aukið lífsgæði og sparað bæði tíma og fjármagn. Auk þess myndi slík verslun auka samkeppni á milli verslana á svæðinu sem oft leiðir til lækkunar á verðlagi,“ segir meðal annars í tillögunni. Árás á gamla góða Kaupfélagið og Hlíðarkaup En ekki eru allir hrifnir og telja þarna vegið að gömlum og grónum stofnunum á Króknum. Gunnar Einarsson tekur til máls í Facebookhópnum Skín við sólu, þar sem málefni sveitarinnar eru til umræðu: „Það er ótrúlegt að sjá vinnubrögð skipulagsnefndar að ætla að „lokka lágvöruverslun með matvöru í bæinn með gjafalóð“. Viðkomandi vita ekki að það eru tvær lágvöruverslanir nú þegar í bænum, Kaupfélagið og Hlíðarkaup.“ Loftmynd af hluta Sauðárkróks. Álfhildur vill laða að lágvöruverðsverslanir á nýtt kaup- og athafnasvæði bæjarins en sitt sýnist hverjum um hvort það megi ekki heita mismunun.vísir/egill Gunnar segist búa á höfuðborgarsvæðinu og fylgist hann að sögn vel með vöruverði í Hlíðarkaupum miðað við Bónus og Krónuna á höfuðborgarsvæðinu: „Það átta sig kannski ekki allir á Kaupfélagið og Hlíðarkaup reka samfélagsþjónustu fyrir sveitarfélagið sem fáir hafa getu og áhuga fyrir að fara út í. Það er dapurlegt að skipulagsnefnd skuli launa áratuga þjónustu þessara fyrirtækja við bæjarbúa með þessum hætti.“ En Álfhildur telur sig ekki hafa potað í neitt geitungabú, þetta sé fyrsta skrefið en þetta eigi eftir að fara í gegnum sveitarstjórnina þar sem Framsóknar- og Sjálfstæðisflokkur eru í meirihluta. Fulltrúi Framsóknar sat hjá þegar greidd voru atkvæði um tillögu Álfhildar, sem situr í minnihluta sem fulltrúi VG, en Sjálfstæðisflokkurinn greiddi atkvæði með. Íbúarnir vilja lægra vöruverð Álfhildur segir ekki liggja fyrir neina umsókna, ekki frá Krónunni, Bónus, Prís né Nettó. Málið sé ekki komið á það stig. Þó hún sjái það hugsanlega fyrir sér í náinni framtíð, að slíkar verslanir muni bítast um reitinn. En er þetta ekki mismunun? Álfhildur telur svo ekki vera. „Mögulega í einhverjum sveitarfélögum en það er 8. greinin, sem við gáfum okkur sjálf, sem gefur þetta vilyrði. Ég hef borið það undir lögmenn og þeir segja að þetta megi. Er það mismunun að ódýrara sé að byggja á Hofsósi en á Sauðarkróki? En þannig er það. Ég held að fólk horfi ekki á það sem mismunun.“ Álfhildur segir einstaklega gott að búa í sveitarfélaginu en þetta sé helst það sem íbúar kalli eftir, lægra vöruverði. Og hún vill undirstrika að hún sé ekki með þessu að ráðast gegn þeim verslunum sem fyrir eru. „Við erum með Skagfirðingabúð sem fólk gerir sér hreinlega leið til að heimsækja og svo Hlíðarkaup, sem hefur ofboðslega góða opnunartíma og góða þjónustu. Við höfum það gott en samt sem áður situr vöruverð í fólki. Krafan er um samkeppni. Og við verðum að fá fólkið okkar heim aftur.“ Skagafjörður Verslun Stjórnsýsla Sveitarstjórnarmál Matvöruverslun Mest lesið Jakob Valgeir lét Guðbjart bróður sinn fara Viðskipti innlent „Ég held að þú þurfir ný gleraugu“ Viðskipti innlent Ráðuneytið ógilti lóðaúthlutun fyrir milljarða Viðskipti innlent Gefast upp á miðbænum: „Það er hringur eftir hring, engin bílastæði“ Viðskipti innlent Vaxtalækkunarferlið heldur áfram Viðskipti innlent „Sporttöppum“ aftur komið fyrir Neytendur Bein útsending: Rökstyðja ákvörðun sína um lækkun vaxta Viðskipti innlent Aka um Ísland í allt sumar og mynda vegakerfið í þrívídd Viðskipti innlent Rapyd sé íslenskt fyrirtæki með kennitölu frá 1983 Viðskipti innlent Ráðinn markaðsstjóri Bónuss Viðskipti innlent Fleiri fréttir Stjórnarandstaðan í vasa hagsmunaaðila Af og frá að slakað sé á aðhaldi Ráðinn markaðsstjóri Bónuss Aka um Ísland í allt sumar og mynda vegakerfið í þrívídd Of snemmt að segja til um hvort vaxtalækkunarferlinu sé lokið í bili „Ég held að þú þurfir ný gleraugu“ Úthluta eftirstandandi hlutum í Íslandsbanka Bein útsending: Rökstyðja ákvörðun sína um lækkun vaxta Reitir fasteignafélag og HR efna til hugmyndasamkeppni fyrir nemendur Vaxtalækkunarferlið heldur áfram Birta nýja ákvörðun um stýrivexti í dag Ráðuneytið ógilti lóðaúthlutun fyrir milljarða Tólf milljarða hagnaður á fyrsta ársfjórðungi Jakob Valgeir lét Guðbjart bróður sinn fara Niðurstöður álagningar birtar á fimmtudag Gefast upp á miðbænum: „Það er hringur eftir hring, engin bílastæði“ Rökrétt að lækka lyfjaverð í Bandaríkjunum Rapyd sé íslenskt fyrirtæki með kennitölu frá 1983 Þurfi að líta ofar í tekjustigann í næstu kjarasamningum Hefja viðskipti með bréf í Alvotech í Stokkhólmi Óttast að háir vextir sogi sparnaðinn til Tenerife Ráku framkvæmdastjórann og komust svo að rafmyntagreftrinum Tilefni fyrir ríkið að íhuga sölu Landsbankans Himinlifandi og ekki hugsi yfir litlum hlut fagfjárfesta Heinemann svarar Sameyki: „Þetta er rangt“ Gömlu höfuðstöðvar Icelandair verða hjúkrunarheimili Ríflega þrjátíu þúsund einstaklingar kaupa hlut ríkisins „Þetta er framar okkar björtustu vonum“ Heildarvirði tæpur 91 milljarður og líkur á að nær allir hlutir fari til almennings Líklega stærsta eignasala ríkissjóðs frá upphafi Sjá meira
Álfhildur vill ekki kannast við að allt sé í háaloft vegna tillögunnar sem hún lagði fram í skipulagsnefnd nýverið. Þar var tillagan samþykkt og vísað til afgreiðslu í sveitarstjórninni. „Neineinei, þetta eru bara heilbrigð skoðanaskipti,“ segir Álfhildur og hlær. Hún er fulltrúi Vinstri grænna í sveitarstjórn en starfar sem grunnskólakennari. Hún bætir því við að vissulega sé um spennandi atburðarás að ræða. Tillagan gengur út á sveitarstjórnin muni nýta sér 8. grein um vilyrði þegar úthlutun verður á nýju athafnasvæði á Sauðárkróki og höfða sérstaklega til lágverðsverslana. En engin slík finnist milli Borgarness og Akureyrar. Með slíkri verslun fá „íbúar aðgang að fjölbreyttu úrvali af vörum á lægra verði sem getur aukið lífsgæði og sparað bæði tíma og fjármagn. Auk þess myndi slík verslun auka samkeppni á milli verslana á svæðinu sem oft leiðir til lækkunar á verðlagi,“ segir meðal annars í tillögunni. Árás á gamla góða Kaupfélagið og Hlíðarkaup En ekki eru allir hrifnir og telja þarna vegið að gömlum og grónum stofnunum á Króknum. Gunnar Einarsson tekur til máls í Facebookhópnum Skín við sólu, þar sem málefni sveitarinnar eru til umræðu: „Það er ótrúlegt að sjá vinnubrögð skipulagsnefndar að ætla að „lokka lágvöruverslun með matvöru í bæinn með gjafalóð“. Viðkomandi vita ekki að það eru tvær lágvöruverslanir nú þegar í bænum, Kaupfélagið og Hlíðarkaup.“ Loftmynd af hluta Sauðárkróks. Álfhildur vill laða að lágvöruverðsverslanir á nýtt kaup- og athafnasvæði bæjarins en sitt sýnist hverjum um hvort það megi ekki heita mismunun.vísir/egill Gunnar segist búa á höfuðborgarsvæðinu og fylgist hann að sögn vel með vöruverði í Hlíðarkaupum miðað við Bónus og Krónuna á höfuðborgarsvæðinu: „Það átta sig kannski ekki allir á Kaupfélagið og Hlíðarkaup reka samfélagsþjónustu fyrir sveitarfélagið sem fáir hafa getu og áhuga fyrir að fara út í. Það er dapurlegt að skipulagsnefnd skuli launa áratuga þjónustu þessara fyrirtækja við bæjarbúa með þessum hætti.“ En Álfhildur telur sig ekki hafa potað í neitt geitungabú, þetta sé fyrsta skrefið en þetta eigi eftir að fara í gegnum sveitarstjórnina þar sem Framsóknar- og Sjálfstæðisflokkur eru í meirihluta. Fulltrúi Framsóknar sat hjá þegar greidd voru atkvæði um tillögu Álfhildar, sem situr í minnihluta sem fulltrúi VG, en Sjálfstæðisflokkurinn greiddi atkvæði með. Íbúarnir vilja lægra vöruverð Álfhildur segir ekki liggja fyrir neina umsókna, ekki frá Krónunni, Bónus, Prís né Nettó. Málið sé ekki komið á það stig. Þó hún sjái það hugsanlega fyrir sér í náinni framtíð, að slíkar verslanir muni bítast um reitinn. En er þetta ekki mismunun? Álfhildur telur svo ekki vera. „Mögulega í einhverjum sveitarfélögum en það er 8. greinin, sem við gáfum okkur sjálf, sem gefur þetta vilyrði. Ég hef borið það undir lögmenn og þeir segja að þetta megi. Er það mismunun að ódýrara sé að byggja á Hofsósi en á Sauðarkróki? En þannig er það. Ég held að fólk horfi ekki á það sem mismunun.“ Álfhildur segir einstaklega gott að búa í sveitarfélaginu en þetta sé helst það sem íbúar kalli eftir, lægra vöruverði. Og hún vill undirstrika að hún sé ekki með þessu að ráðast gegn þeim verslunum sem fyrir eru. „Við erum með Skagfirðingabúð sem fólk gerir sér hreinlega leið til að heimsækja og svo Hlíðarkaup, sem hefur ofboðslega góða opnunartíma og góða þjónustu. Við höfum það gott en samt sem áður situr vöruverð í fólki. Krafan er um samkeppni. Og við verðum að fá fólkið okkar heim aftur.“
Skagafjörður Verslun Stjórnsýsla Sveitarstjórnarmál Matvöruverslun Mest lesið Jakob Valgeir lét Guðbjart bróður sinn fara Viðskipti innlent „Ég held að þú þurfir ný gleraugu“ Viðskipti innlent Ráðuneytið ógilti lóðaúthlutun fyrir milljarða Viðskipti innlent Gefast upp á miðbænum: „Það er hringur eftir hring, engin bílastæði“ Viðskipti innlent Vaxtalækkunarferlið heldur áfram Viðskipti innlent „Sporttöppum“ aftur komið fyrir Neytendur Bein útsending: Rökstyðja ákvörðun sína um lækkun vaxta Viðskipti innlent Aka um Ísland í allt sumar og mynda vegakerfið í þrívídd Viðskipti innlent Rapyd sé íslenskt fyrirtæki með kennitölu frá 1983 Viðskipti innlent Ráðinn markaðsstjóri Bónuss Viðskipti innlent Fleiri fréttir Stjórnarandstaðan í vasa hagsmunaaðila Af og frá að slakað sé á aðhaldi Ráðinn markaðsstjóri Bónuss Aka um Ísland í allt sumar og mynda vegakerfið í þrívídd Of snemmt að segja til um hvort vaxtalækkunarferlinu sé lokið í bili „Ég held að þú þurfir ný gleraugu“ Úthluta eftirstandandi hlutum í Íslandsbanka Bein útsending: Rökstyðja ákvörðun sína um lækkun vaxta Reitir fasteignafélag og HR efna til hugmyndasamkeppni fyrir nemendur Vaxtalækkunarferlið heldur áfram Birta nýja ákvörðun um stýrivexti í dag Ráðuneytið ógilti lóðaúthlutun fyrir milljarða Tólf milljarða hagnaður á fyrsta ársfjórðungi Jakob Valgeir lét Guðbjart bróður sinn fara Niðurstöður álagningar birtar á fimmtudag Gefast upp á miðbænum: „Það er hringur eftir hring, engin bílastæði“ Rökrétt að lækka lyfjaverð í Bandaríkjunum Rapyd sé íslenskt fyrirtæki með kennitölu frá 1983 Þurfi að líta ofar í tekjustigann í næstu kjarasamningum Hefja viðskipti með bréf í Alvotech í Stokkhólmi Óttast að háir vextir sogi sparnaðinn til Tenerife Ráku framkvæmdastjórann og komust svo að rafmyntagreftrinum Tilefni fyrir ríkið að íhuga sölu Landsbankans Himinlifandi og ekki hugsi yfir litlum hlut fagfjárfesta Heinemann svarar Sameyki: „Þetta er rangt“ Gömlu höfuðstöðvar Icelandair verða hjúkrunarheimili Ríflega þrjátíu þúsund einstaklingar kaupa hlut ríkisins „Þetta er framar okkar björtustu vonum“ Heildarvirði tæpur 91 milljarður og líkur á að nær allir hlutir fari til almennings Líklega stærsta eignasala ríkissjóðs frá upphafi Sjá meira