Ráðin fram­kvæmda­stjóri VSB verk­fræði­stofu

„Lilja var verkefnastjóri Reykjavíkurborgar við stofnun Borgarlínuskrifstofunnar 2019-2021, rak sitt eigið fyrirtæki, Viaplan, frá 2015-2019 og starfaði hjá Cowi í Danmörku í sex ár þar á undan.

Lilja er formaður og stjórnarmeðlimur í ITS Ísland sem er vettvangur fyrir fyrirtæki og opinberar stofnanir til að efla tækni- og snjallvæðingu samgöngukerfisins, í samvinnu við systurfélög á Norðurlöndunum.

Hún er samgönguverkfræðingur að mennt og útskrifaðist frá Danmarks Tekniske Universitet árið 2004. Lilja er gift Jónasi Þór Oddssyni, tölvunarfræðingi, og á þrjú börn,“ segir í tilkynningunni.

VSB er hafnfirskt fyrirtæki, stofnað árið 1987 og sinnir verkfræði- og ráðgjafaþjónustu. Lilja tekur við stöðunni af Hirti Sigurðssyni sem hefur ákveðið að færa sig til innan fyrirtækisins og einbeita sér að þróunarmálum og gervigreind.