Greint var frá árásinni í dagbók lögreglu um verkefni næturinnar nú í morgun. Þar kom fram að hópur manna hefði ráðist á einn og atlagan náðst á myndband. Árásarmenn hefðu flúið vettvang.
Samkvæmt upplýsingum frá lögreglu hafa tveir árásarmannanna nú verið handteknir. Þeir eru fæddir 2006 og 2003, 18 og 21 árs gamlir. Sá sem ráðist var á er einnig fæddur 2003. Hann er ekki mikið særður eftir árásina, þó að sparkað hafi verið í höfuð hans liggjandi.
