Hafa grun um það hver maðurinn er

„Það er náttúrulega mánuður síðan manns var saknað þarna, og það er grunur um að það sé um sama mann að ræða. En við eigum eftir að fá það staðfest,“ segir Sævar Guðmundsson, aðalvarðstjóri hjá lögreglunni á höfuðborgarsvæðinu.

Hann segir að málið hafi ekki verið rannsakað sem sakamál hingað til, og verði það ekki nema eitthvað óvænt komi í ljós við líkskoðun.

Rétt fyrir hádegi í dag fannst maður látinn við fjöru á Álftanesi í dag. Gangandi vegfarendur komu að líkinu, en göngustígur er meðfram fjörunni.