Forstjórarnir sem möluðu gull á síðasta ári

Bjarki Sigurðsson skrifar 20. ágúst 2024 13:26

Davíð Helgason, Guðmundur Fertram, Grímur Sæmundsen og Kári Stefánsson voru allir með yfir tíu milljónir á mánuði í tekjur á síðasta ári. vísir

Guðmundur Fertram Sigurjónsson, forstjóri Kerecis, er tekjuhæsti forstjórinn í nýju blaði Frjálsar verslunar yfir tekjur Íslendinga árið 2023. Guðmundur var með 75 milljónir króna á mánuði í tekjur.

Mikinn hluta þess má væntanlega rekja til 175 milljarða sölu hans á fyrirtækinu til danska heilbrigðisrisans Coloplast. Rétt er að taka fram að um er að ræða útsvarsskyldar tekjur og þurfa ekki að endurspegla föst laun hans og annarra sem birtast í blaðinu.

Í öðru sæti á listanum er Davíð Helgason, stofnandi Unity, sem var með 33 milljónir króna á mánuði. Á eftir honum koma tveir Magnúsar, Magnús Eðvald Björnsson. forstjóri Men&Mice með 21 milljón króna á mánuði og Magnús Steinarr Norðdahl, forstjóri hugbúnaðarfyrirtækisins Annata, með 19 milljónir króna á mánuði.

Tekjublað Frjálsrar verslunar kom út í dag en rétt er að árétta að um er að ræða útsvarsskyldar tekjur á árinu 2023 og þurfa þær ekki að endurspegla föst laun viðkomandi. Munurinn getur falist í launum fyrir setu í nefndum og önnur aukastörf og hlunnindi vegna kaupréttarsamninga. Í launum sumra kann að vera falinn bónus vegna ársins 2022 sem var greiddur árið 2023.

Miðað er við útsvarsstofn samkvæmt álagningarskrá en í tölunum eru ekki fjármagnstekjur, til dæmis af vöxtum, arði eða sölu hlutabréfa. Sleppt er skattfrjálsum dagpeningum, bílastyrkjum og greiðslum í lífeyrissjóði. Þá ber að hafa í huga að inn í tekjunum geta líka verið einskiptisgreiðslur vegna úttektar á séreignasparnaði hjá lífeyrissjóði.

Verktakagreiðslur flokkast ekki sem útsvarsskyldar tekjur og eru því ekki teknar fyrir í álagningaskrá Ríkisskattstjóra sem Tekjublaðið styðst við.

Aðrir með yfir tíu milljónir króna á mánuði á forstjóralistanum eru Árni Oddur Þórðarson, fyrrverandi forstjóri Marels, með 17,5 milljónir, Ásgeir Helgi Reykfjörð Gylfason, forstjóri Skel og bróðir Þórdísar Kolbrúnar utanríkisráðherra, með 13,7 milljónir, Haraldur Líndal Pétursson, framkvæmdastjóri Johan Rönning, með 13,2 milljónir, Kári Stefánsson, forstjóri Íslenskrar erfðagreiningar með 11,3 milljónir, Grímur Sæmundsson, forstjóri Bláa lónsins, með 11,1 milljón og Hrund Rudolfsdóttir, forstjóri Veritas Capital, með 10,2 milljónir. Hún er jafnframt eina konan á forstjóralistanum með yfir tíu milljónir á mánuði.

Aðrir þekktir toppar eru listanum eru meðal annars:

Þórður Guðjónsson, framkvæmdastjóri Skeljungs. 9,2 milljónir
Brett Alberg Vigelskas, framkvæmdastjóri Costco á Íslandi. 9,2 milljónir
Rannveig Rist, forstjóri Rio Tinto á Íslandi. 9 milljónir

Knattspyrnumaðurinn fyrrverandi Þórður Guðjónsson er nú forstjóri Skel.Vísir/Vilhelm

Halldór Benjamín Þorbergsson, forstjóri Heima og fyrrverandi framkvæmdastjóri SA. 9 milljónir
Orri Hauksson, fyrrverandi forstjóri Símans. 6,5 milljónir
Þorsteinn Már Baldvinsson, forstjóri Samhera. 6,4 milljónir
Tómas Már Sigurðsson, forstjóri HS Orku. 6,3 milljónir

Halldór Benjamín þungur á svip þegar hann var enn framkvæmdastjóri Samtaka atvinnulífsins. Nú er hann forstjóri fasteignafélagsins Heima.Vísir/Vilhelm

Þórólfur Gíslason, kaupfélagsstjóri Kaupfélags Skagfirðinga. 6,1 milljón
Finnur Oddsson, forstjóri Haga. 5,8 milljónir
Ásta Sigríður Fjeldsted, forstjóri Festis. 5,7 milljónir
Andri Þór Guðmundsson, forstjóri Ölgerðarinnar. 5,5 milljónir
Gréta María Grétarsdóttir, forstjóri Heimkaupa. 5,5 milljónir

Ásta Sigríður Fjeldsted er forstjóri Festis sem rekur meðal annars Krónuna.Vísir/Egill

Kristján Loftsson, forstjóri Hvals hf. 5,4 miljónir
Bogi Nils Bogason, forstjóri Icelandair. 5 milljónir
Egill Jóhannsson, forstjóri Brimborgar. 4,9 milljónir
Björn Leifsson, eigandi World Class. 4,9 milljónir
Steinþór Skúlason, forstjóri SS. 4,3 milljónir.

Kristján Loftsson hefur verið mikið í umræðunni síðustu ár vegna fyrirtækis síns, Hvals hf.Vísir/Vilhelm

Herdís Dröfn Fjeldsted, forstjóri Sýnar. 4,2 milljónir
Þorsteinn Víglundsson, forstjóri Hornsteins. 4,1 milljón
Margrét Björk Tryggvadóttir, forstjóri Nova. 4 milljónir
Birgir Jónsson, fyrrverandi forstjóri Play. 4 milljónir
Teitur Guðmundsson, forstjóri Heilsuverndar. 3,3 milljónir
Helgi Rúnar Óskarsson, forstjóri 66 Norður. 2,9 milljónir

Birgir Jónsson hætti nýlega sem forstjóri Play. Hann er einnig trommari Dimmu.Vísir/Vilhelm

Ágústa Þóra Johnson, framkvæmdastjóri Hreyfingar og eiginkona umhverfisráðherra. 2,8 milljónir
Edda Sif Pind Aradóttir, forstjóri Carbfix. 2,7 milljónir
Magnús Hafliðason, forstjóri Dominos. 2,6 milljónir
Sölvi Blöndal, forstjóri Alda Music. 2,2 milljónir

Edda Sif Pind Aradóttir er framkvæmdastýra Carbfix og stendur nú í ströngu hvað varðar tilvonandi móttöku- og förgunarmiðstöð Carbfix í Straumsvík.Vísir/Egill

Kleópatra K. Stefánsdóttir, forstjóri Gunnars majónes. 2,2 milljónir
Gerður Huld Arinbjarnardóttir, eigandi Blush. 2,2 milljónir
Gunnlaugur Jónsson, framkvæmdastjóri Fjártækniklasans. 1,9 milljónir
Leifur Björn Dagfinnsson, framkvæmdastjóri True North. 1,7 milljónir

Gerður Hrund Arinbjarnardóttir „ævintýraheim fullorðna fólksins“, Blush. Það virðist ganga ansi vel.Vísir/Einar

Svava Þorgerður Johansen, forstjóri NTC. 1,6 milljónir
Ari Edwald, fyrrverandi forstjóri Íseyjar útflutnings. 1,6 milljónir
Finnur Árnason, fyrrverandi forstjóri Haga. 1,5 milljónir

Tískudrottningin Svava í 17 er á listanum. Fyrirtæki hennar, NTC, vinnur nú að því að opna aftur nokkrar verslanir sínar í Kringlunni eftir brunann þar í sumar.Vísir/Vilhelm

Egill Örn Jóhannsson, fyrrverandi framkvæmdastjóri Forlagsins. 1,4 milljónir
Sigmar Vilhjálmsson, eigandi Minigarðsins og framkvæmdastjóri Munnbitans, 1,2 milljónir
Kristján Berg Ásgeirsson, eigandi Fiskikóngsins, 696 þúsund

Sigmar Vilhjálmsson troðfyllir Minigarðinn allar helgar þegar enski boltinn er í gangi. Hann er mikill Pool-ari og þar er alltaf stuð þegar hans menn skora.Vísir/Vilhelm

Tekjur

Mest lesið

Fleiri fréttir