Börn stærsti hluti látinna eftir á­rás á skóla

Herinn fyrirskipaði í morgun rýmingu á hluta Gasa sem skilgreint er sem mannúðarsvæði. Talsmaður hersins sagði árás fyrirhugaða gegn vígamönnum Hamas en þúsundir hafa leitað skjóls í tjöldum á svæðinu.

Þetta er í annað sinn á stuttum tíma sem herinn skipar Palestínumönnum að yfirgefa svæðið. Á mánudaginn fyrirskipaði Ísraelsher rýmingu þar sem talsmaður hans sagði nauðsynlegt að ná Hamas liðum sem noti svæðið til að skjóta eldflaugum yfir til Ísraels.

Í yfirlýsingu frá Ísraelsher á Telegram kemur fram að í skólanum hafi stjórnstöð á vegum Hamas verið starfrækt og Hamas-liðar hefðu notað hann sem felustað og geymslu undir vopn. 

Í myndefni sem tekið var upp á svæðinu eftir árásina má sjá að stærsti hluti þeirra sem létust hafi verið börn.