Erlent

Segir af sér vegna rit­stuldar

Atli Ísleifsson skrifar
Ingvild Kjerkol tók sæti á norska þingið fyrir Verkamannaflokkinn árið 2013.
Ingvild Kjerkol tók sæti á norska þingið fyrir Verkamannaflokkinn árið 2013. EPA

Norski heilbrigðisráðherrann Ingvild Kjerkol hefur sagt af sér embætti eftir að upp komst um ritstuld í tengslum við vinnslu á meistararitgerð hennar í heilbrigðisstjórnun frá árinu 2021.

Kjerkol greindi frá þessu á blaðamannafundi í morgun. „Ég verð að njóta trausts til að geta gegnt embætti heilbrigðisráðherra,“ sagði Kjerkol.

Í rannsókn Verdens Gang á ritgerðinni kom í ljós að 125 textakaflar í ritgerð ráðherrans voru nákæmlega eins og í kaflar í öðrum fræðigreinum. Niðurstaða rannsókn nefndar háskólinn Nord universitet, sem var birt í gær, var svo að Kjerkol hafi svindlað meðvitað.

Ingvild Kjerkol er þingkona Þrándarlaga fyrir Verkamannaflokkinn, flokk Jonas Gahr Støre forsætisráðherra. Hún tók sæti á þingi árið 2013 og hefur gegnt embætti heilbrigðisráðherra frá árinu 2021.

Reiknað er með að nýr heilbrigðisráðherra verði skipaður síðar í dag.

Noregur Höfundarréttur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið