„Þetta var ótrúlegt og ég hef aldrei upplifað svona lagað“ Ingvi Þór Sæmundsson skrifar 10. apríl 2024 14:00 Þorgils Jón Svölu Baldursson og félagar í Karlskrona geta tryggt sér sigur í einvíginu gegn Västerås í kvöld. vísir/hulda margrét Einn íslensku leikmannanna hjá Karlskrona segist aldrei hafa lent í aðstæðum eins og í leik gegn Västerås í gær. Þá þurfti að endurtaka vítakast úr leik sem fór fram fjórum dögum fyrr. Á föstudaginn vann Karlskrona Västerås, 25-24, í leik í umspili um sæti í sænsku úrvalsdeildinni. Í þann mund sem leiktíminn rann út fékk Västerås vítakast. Dómarar leiksins mátu það hins vegar sem svo að leiktíminn hafi verið búinn, vítið var ekki tekið og Västerås tapaði leiknum. Leikmenn Västerås voru æfir og félagið kærði niðurstöðu leiksins í kjölfarið. Og hafði erindi sem erfiði. Sænska handknattleikssambandið ákvað að taka þyrfti vítakastið og leika svo til þrautar ef Västerås myndi skora úr því. Þrír Íslendingar leika með Karlskrona; Ólafur Guðmundsson, Dagur Sverrir Kristjánsson og Þorgils Jón Svölu Baldursson. Að sögn þess síðastnefna var andrúmsloftið þegar vítakastið var tekið í gær nokkuð sérstakt. „Þetta var ótrúlegt og ég hef aldrei upplifað svona lagað,“ sagði Þorgils í samtali við Vísi í dag. „Allt átti að vera eins og á föstudaginn. Vítið tekið á sama stað og það átti að vera, sömu leikmenn í hóp og þannig. En ekki sömu dómarar. Ég náði ekki af hverju. Við undurbjuggum okkur bara eins og um annan leik væri að ræða, hittumst á sama tíma, hituðum vel upp og gerðum ráð fyrir að við værum að fara í framlengingu. Ekki bara treysta á þetta eina víti.“ Phil Döhler, sem lék með FH um árabil, freistaði þess að verja vítið en tókst það ekki og því þurfti að framlengja, í tvisvar sinnum fimm mínútur. „Síðan kom bara framlenging sem við höfðum betur í og það gekk vel,“ sagði Þorgils en Karlskrona vann framlenginguna, 5-1. Fjöldi manns var mættur á leikinn til að fylgjast mögulega með einungis einu víti. Phil Döhler reyndi að verja vítið fræga.vísir/vilhelm „Þeir sem voru á síðasta leik máttu ekki koma en þeir sem voru búnir að kaupa miða á leikinn í dag máttu koma. Það mættu mun fleiri en ég hélt. Þegar við mættum út á völl og verið var að undirbúa vítið voru einhver hundruð manns mættir. Það var vissulega mjög undarlegt; kannski hefðu allir farið heim eftir vítið,“ sagði Þorgils. Hann segir að leikmenn Karlskrona hafi tekið öllu þessu havaríi með miklu jafnaðargeði. „Við fengum bara að heyra að svona væri þetta. Það væri búið að dæma í þessu og við gætum ekkert gert. Það var einhver pæling hjá Karlskrona að áfrýja niðurstöðunni en það yrði aldrei tekið til skoðunar fyrr en eftir einvígið. Við áttum bara að vinna þetta, fannst mér,“ sagði Þorgils en Karlskrona er 2-0 yfir í einvíginu gegn Västerås og getur tryggt sér sigur í því með því að vinna leik liðanna í kvöld. „Við stefnum á það og erum vel undirbúnir. Við stefnum á að vinna og taka þetta, 3-0, eða 4-0,“ sagði Þorgils léttur en liðin hafa jú þurft að mæta þrisvar sinnum til leiks þrátt fyrir að staðan í einvíginu sé 2-0. Þorgils varð tvisvar sinnum Íslandsmeistari með Val áður en hann hélt utan.vísir/hulda margrét Þorgils gekk í raðir Karlskrona frá Val í sumar. Hann kann vel við sig í sænska boltanum. „Þetta hefur verið mjög lærdómsríkt. Þeir spila öðruvísi handbolta, aðrar áherslur bæði í vörn og sókn, þannig mér finnst ég hafa lært mikið hérna. Það tók smá tíma að ná tökum á þessu,“ sagði Þorgils sem segir að það hjálpi mikið að vera með tvo aðra Íslendinga og hinn íslenskumælandi Döhler með sér í liði. „Það hefur skipt miklu máli. Ég hef til dæmis fengið mikla hjálp frá Óla sem er reyndur og svo er líka gott að vera með Phil og Dag. Þetta hefur gengið betur en ég þorði að vona.“ Sænski handboltinn Mest lesið Úr húsvarðarstarfi í atvinnumennsku Handbolti Slys á æfingu fyrir fjórum árum er enn að eyðileggja fyrir Söru Sport Rooney segir United losa sig við nær allan leikmannahópinn Enski boltinn Fabiana brýtur blað í sögunni áður en Jói Kalli tekur við Fótbolti Man. United sagði konunum ekki frá ákvörðuninni Enski boltinn Neitaði að svara spurningum um skilnaðinn Sport Blaðamannafundur fyrir úrslitaleik Vals í Evrópubikarnum Handbolti Einbeitir sér að því að komast í NBA frekar en að spila með pabba sínum Körfubolti Mætti á þing FIFA úr fangaklefanum Fótbolti Allegri afklæddist á hliðarlínunni Fótbolti Fleiri fréttir Blaðamannafundur fyrir úrslitaleik Vals í Evrópubikarnum Úr húsvarðarstarfi í atvinnumennsku Uppgjörið og viðtöl: Valur - Afturelding 27-29 | Mosfellingar í úrslit Teitur skoraði fimm og Flensburg heldur naumlega í við toppliðin „Okkur dauðlangar í meira“ Íslendingaliðið tryggði sér oddaleik Ólafur Gústafsson aftur heim í FH: „Gleðidagur fyrir okkur FH-inga“ Einar hættir með kvennalið Fram „Við erum alveg róleg“ Uppgjör: Haukar - Valur 22-30 | Meistararnir í 2-0 Algjör niðurlæging sveina Dags sem hafa aldrei tapað stærra Vonar að pabbi sinn komist ekki á ÓL Heimsmeistararnir stöðvaðir á síðustu stundu Uppgjörið: Eistland - Ísland 24-37 | Gengu örugglega frá Eistum og tryggðu farseðil á HM Frost í sókn en sveinar Dags mörðu sigur Segja Ísland hafa skorað fimmtíu án þess að svitna „Annað hvort gera þeir eins og Man. City eða eins og Liverpool“ Grafalvarleg staða: „Við verðum að breyta þessu strax“ Einar Bragi skrifaði undir tveggja ára samning í Svíþjóð Slóvakía skellti Póllandi óvænt í umspili HM „Við vorum skugginn af sjálfum okkur“ Uppgjörið og viðtöl: Valur - Haukar 28-27 | Íslandsmeistarnir sluppu með skrekkinn Gagnrýnir lítinn stuðning við afreksíþróttafólk: „Upphæðin ein og sér er grín“ Myndaveisla frá risasigrinum á Eistum Færeyingar hársbreidd frá fyrsta heimsmeistaramótinu Uppgjörið: Ísland - Eistland 50-25 | Stigu bensínið í botn frá fyrstu mínútu „Ánægður að við sýndum þá hlið að við getum verið góðir í sextíu mínútur“ Þakklátur eftir fyrsta landsleikinn: „Tek bara einn dag fyrir í einu“ „Ekkert sjálfgefið að valta yfir lið“ Skyldusigur í kvöld: „Þurfum að koma okkur inn á HM“ Sjá meira
Á föstudaginn vann Karlskrona Västerås, 25-24, í leik í umspili um sæti í sænsku úrvalsdeildinni. Í þann mund sem leiktíminn rann út fékk Västerås vítakast. Dómarar leiksins mátu það hins vegar sem svo að leiktíminn hafi verið búinn, vítið var ekki tekið og Västerås tapaði leiknum. Leikmenn Västerås voru æfir og félagið kærði niðurstöðu leiksins í kjölfarið. Og hafði erindi sem erfiði. Sænska handknattleikssambandið ákvað að taka þyrfti vítakastið og leika svo til þrautar ef Västerås myndi skora úr því. Þrír Íslendingar leika með Karlskrona; Ólafur Guðmundsson, Dagur Sverrir Kristjánsson og Þorgils Jón Svölu Baldursson. Að sögn þess síðastnefna var andrúmsloftið þegar vítakastið var tekið í gær nokkuð sérstakt. „Þetta var ótrúlegt og ég hef aldrei upplifað svona lagað,“ sagði Þorgils í samtali við Vísi í dag. „Allt átti að vera eins og á föstudaginn. Vítið tekið á sama stað og það átti að vera, sömu leikmenn í hóp og þannig. En ekki sömu dómarar. Ég náði ekki af hverju. Við undurbjuggum okkur bara eins og um annan leik væri að ræða, hittumst á sama tíma, hituðum vel upp og gerðum ráð fyrir að við værum að fara í framlengingu. Ekki bara treysta á þetta eina víti.“ Phil Döhler, sem lék með FH um árabil, freistaði þess að verja vítið en tókst það ekki og því þurfti að framlengja, í tvisvar sinnum fimm mínútur. „Síðan kom bara framlenging sem við höfðum betur í og það gekk vel,“ sagði Þorgils en Karlskrona vann framlenginguna, 5-1. Fjöldi manns var mættur á leikinn til að fylgjast mögulega með einungis einu víti. Phil Döhler reyndi að verja vítið fræga.vísir/vilhelm „Þeir sem voru á síðasta leik máttu ekki koma en þeir sem voru búnir að kaupa miða á leikinn í dag máttu koma. Það mættu mun fleiri en ég hélt. Þegar við mættum út á völl og verið var að undirbúa vítið voru einhver hundruð manns mættir. Það var vissulega mjög undarlegt; kannski hefðu allir farið heim eftir vítið,“ sagði Þorgils. Hann segir að leikmenn Karlskrona hafi tekið öllu þessu havaríi með miklu jafnaðargeði. „Við fengum bara að heyra að svona væri þetta. Það væri búið að dæma í þessu og við gætum ekkert gert. Það var einhver pæling hjá Karlskrona að áfrýja niðurstöðunni en það yrði aldrei tekið til skoðunar fyrr en eftir einvígið. Við áttum bara að vinna þetta, fannst mér,“ sagði Þorgils en Karlskrona er 2-0 yfir í einvíginu gegn Västerås og getur tryggt sér sigur í því með því að vinna leik liðanna í kvöld. „Við stefnum á það og erum vel undirbúnir. Við stefnum á að vinna og taka þetta, 3-0, eða 4-0,“ sagði Þorgils léttur en liðin hafa jú þurft að mæta þrisvar sinnum til leiks þrátt fyrir að staðan í einvíginu sé 2-0. Þorgils varð tvisvar sinnum Íslandsmeistari með Val áður en hann hélt utan.vísir/hulda margrét Þorgils gekk í raðir Karlskrona frá Val í sumar. Hann kann vel við sig í sænska boltanum. „Þetta hefur verið mjög lærdómsríkt. Þeir spila öðruvísi handbolta, aðrar áherslur bæði í vörn og sókn, þannig mér finnst ég hafa lært mikið hérna. Það tók smá tíma að ná tökum á þessu,“ sagði Þorgils sem segir að það hjálpi mikið að vera með tvo aðra Íslendinga og hinn íslenskumælandi Döhler með sér í liði. „Það hefur skipt miklu máli. Ég hef til dæmis fengið mikla hjálp frá Óla sem er reyndur og svo er líka gott að vera með Phil og Dag. Þetta hefur gengið betur en ég þorði að vona.“
Sænski handboltinn Mest lesið Úr húsvarðarstarfi í atvinnumennsku Handbolti Slys á æfingu fyrir fjórum árum er enn að eyðileggja fyrir Söru Sport Rooney segir United losa sig við nær allan leikmannahópinn Enski boltinn Fabiana brýtur blað í sögunni áður en Jói Kalli tekur við Fótbolti Man. United sagði konunum ekki frá ákvörðuninni Enski boltinn Neitaði að svara spurningum um skilnaðinn Sport Blaðamannafundur fyrir úrslitaleik Vals í Evrópubikarnum Handbolti Einbeitir sér að því að komast í NBA frekar en að spila með pabba sínum Körfubolti Mætti á þing FIFA úr fangaklefanum Fótbolti Allegri afklæddist á hliðarlínunni Fótbolti Fleiri fréttir Blaðamannafundur fyrir úrslitaleik Vals í Evrópubikarnum Úr húsvarðarstarfi í atvinnumennsku Uppgjörið og viðtöl: Valur - Afturelding 27-29 | Mosfellingar í úrslit Teitur skoraði fimm og Flensburg heldur naumlega í við toppliðin „Okkur dauðlangar í meira“ Íslendingaliðið tryggði sér oddaleik Ólafur Gústafsson aftur heim í FH: „Gleðidagur fyrir okkur FH-inga“ Einar hættir með kvennalið Fram „Við erum alveg róleg“ Uppgjör: Haukar - Valur 22-30 | Meistararnir í 2-0 Algjör niðurlæging sveina Dags sem hafa aldrei tapað stærra Vonar að pabbi sinn komist ekki á ÓL Heimsmeistararnir stöðvaðir á síðustu stundu Uppgjörið: Eistland - Ísland 24-37 | Gengu örugglega frá Eistum og tryggðu farseðil á HM Frost í sókn en sveinar Dags mörðu sigur Segja Ísland hafa skorað fimmtíu án þess að svitna „Annað hvort gera þeir eins og Man. City eða eins og Liverpool“ Grafalvarleg staða: „Við verðum að breyta þessu strax“ Einar Bragi skrifaði undir tveggja ára samning í Svíþjóð Slóvakía skellti Póllandi óvænt í umspili HM „Við vorum skugginn af sjálfum okkur“ Uppgjörið og viðtöl: Valur - Haukar 28-27 | Íslandsmeistarnir sluppu með skrekkinn Gagnrýnir lítinn stuðning við afreksíþróttafólk: „Upphæðin ein og sér er grín“ Myndaveisla frá risasigrinum á Eistum Færeyingar hársbreidd frá fyrsta heimsmeistaramótinu Uppgjörið: Ísland - Eistland 50-25 | Stigu bensínið í botn frá fyrstu mínútu „Ánægður að við sýndum þá hlið að við getum verið góðir í sextíu mínútur“ Þakklátur eftir fyrsta landsleikinn: „Tek bara einn dag fyrir í einu“ „Ekkert sjálfgefið að valta yfir lið“ Skyldusigur í kvöld: „Þurfum að koma okkur inn á HM“ Sjá meira