Innlent

Sjálf­stæðis­menn af­greiða samstarfstillögu

Rafn Ágúst Ragnarsson skrifar
Ekki liggur fyrir hvort stjórnarsamstarfið haldi áfram milli sömu flokka.
Ekki liggur fyrir hvort stjórnarsamstarfið haldi áfram milli sömu flokka. Vísir/Vilhelm

Þingflokkur Sjálfstæðisflokksins hefur tekið til afgreiðslu tillögu um stjórnarsamstarf. Óljóst er hvaða flokkar kæmu að því samstarfi. Að sama skapi er óljóst hvort samstarf Sjálfstæðisflokksins, Framsóknar og Vinstri grænna haldi áfram.

„Þingflokkur Sjálfstæðisflokksins hefur fyrir sitt leyti tekið til afgreiðslu tillögu um stjórnarsamstarf sem verður kynnt bráðlega,“ segir Hildir Sverrisdóttir þingflokksformaður Sjálfstæðiflokksins í samtali við Mbl.is.

Hún segir tillögunavarða stjórnarsamstarf í „breiðu samhengi“ en vill ekki tjá sig um hvenær áætlað sé að greina þjóðinni frá hvað hún meini með þessu.

Sigmundur Davíð Gunnlaugsson, formaður Miðflokksins, segir stöðuna vera „mjög sérstaka.“

„Þetta var mjög sérstakt. Sérstaklega í ljósi þess að þetta var eini þingflokksfundurinn hjá flokkunum, ef ég man rétt. Ég bara veit ekki neitt hvað er í gangi,“ segir Sigmundur í samtali við fréttastofu.

Ingibjörg Isaksen, þingflokksformaður Framsóknarflokksins, segist ekki geta tjáð sig um málið, þar með talið tillöguna, eða hvaða flokkar eigi í hlut. Hún segir að þingflokkur Framsóknarflokksins fundi klukkan tíu í fyrramálið og þar verði farið yfir stöðuna.

Fréttin hefur verið uppfærð.

Ríkisstjórn Katrínar Jakobsdóttur Alþingi Sjálfstæðisflokkurinn
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið