Innlent

Skallaði mann, sló hann með priki og beit

Jón Þór Stefánsson skrifar
Héraðsdómur Reykjavíkur viðurkenndi eignarrétt mannsins yfir bílastæðinu umdeilda.
Héraðsdómur Reykjavíkur viðurkenndi eignarrétt mannsins yfir bílastæðinu umdeilda. Vísir/Vilhelm

Karlmaður hlaut í síðustu viku þrjátíu daga fangelsisdóm, skilorðsbundinn til tveggja ára, í Héraðsdómi Reykjavíkur fyrir líkamsárás.

Í dómnum kemur fram að árásin átti sér stað í um nótt í apríl 2021, utandyra í Reykjavík.

Maðurinn var ákærður fyrir að skalla annan mann í andlitið þannig að hann féll aftur fyrir sig. Þá var honum gefið að sök að lemja manninn í kjölfarið með priki eða öðru áhaldi og síðan bíta hann í lófann. Fyrir vikið hlaut brotaþolinn ýmsa áverka.

Maðurinn játaði brot sín, en með játningu hans og vegna annarra gagna málsins þótti sannað að hann hefði framið þau.

Hann hefur ekki hlotið dóm áður, en mikill dráttur á meðferð málsins hjá lögreglu var metið honum til refsilækkunar. Líkt og áður segir hlaut hann þrjátíu daga skilorðsbundin dóm.

Þá er honum gert að greiða brotaþolanum 350 þúsund krónur í miskabætur, en það er talsvert lægra en hann hafði krafist, en það voru 1,6 milljónir króna.

Dómsmál Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið