Hefur alltaf verið með bullandi bíla­dellu

Hér má sjá stiklu úr þáttunum: 

Lék sér með bíla og bratz dúkkur

Bílaáhugi Magneu kviknaði snemma.

„Bæði pabbi og afi eru miklir bílakarlar þannig ég var mikið í kringum bíla á mínum yngri árum. Við pabbi vorum mjög dugleg að taka hringinn á bílasölum og skoða allt úrvalið. Ég átti líka endalaust af leikfangabílum og risa bílateppi þótt ég hafi líka verið mikið í bratz og barbie.“

Magnea bjó um árabil í Los Angeles en fyrsta heimsókn hennar þangað er henni afar minnistæð. 

„Þegar ég fór til Los Angeles í fyrsta skiptið með mömmu þá voru flest allar myndirnar sem ég tók í ferðinni af annað hvort pálmatrjám eða bílum sem ég sá á ferðinni, enda alveg sturlaðir bílar þar.

Seinna með flyt ég til Los Angeles í skóla sem var algjör draumur og var mikið í kringum bíla þar en ég myndi segja að bíladellan hafi aukist mikið þar.“

Keyrði sturluð tryllitæki í Kaliforníu

Þar fékk Magnea tækifæri til að keyra alls konar mjög fína bíla.

„Eins og Lamborghini Aventador, Huracan og Urus, Rolls Royce Wraith, Ghost og Phantom Drophead, Ferrari California og 488, G Wagon, Mclaren 720s og fleiri sturluð tryllitæki. 

Þegar ég kem heim byrjaði ég að vinna í Heklu og fór að fræða mig um allt úrvalið sem er í boði hér heima, sem er endalaust.“

Hugmyndin að bílaþáttunum kviknaði í kjölfar fyrstu seríunnar af raunveruleikaþáttunum LXS.

„Ketchup Creative, framleiðendurnir á LXS, komu með þá snilldar hugmynd að gera bílaþátt og ég var auðvitað til í slaginn, þar sem það hefur verið langþráður draumur.

Allt ferlið í kringum þættina er búið að vera rosalega skemmtilegt enda snilldar teymi á bak við þá. Þetta er auðvitað búið að vera mikil vinna þar sem úrvalið á Íslandi er endalaust en það eru auðvitað ekki allir sem vilja sýna bílana sína í sjónvarpi.“

Adrenalínið í botn

Hún segir erfitt að segja til um hvað stendur upp úr eftir tökuferlið.

„Hver þáttur er byggður öðruvísi upp en það var mjög gaman að kíkja í Kvartmíluklúbbinn í Hafnarfirði og kynnast starfseminni þar. Við tókum nokkra hringi á Radical, sem er sérsmíðaður breskur kappakstursbíll og svo fékk ég að race-a á litlum breyttum bíl sem var sjúklega skemmtilegt. Adrenalínið fór alveg í botn.“

En hver ætli sé hennar draumabíll?

„Draumurinn væri að eiga einn Lamborghini Hurricán þar sem þar var alltaf minn uppáhalds bíll en ef ég ætti að kaupa mér bíl til þess að keyra um hér á Íslandi væri það annað hvort Skoda Enyaq RS eða að vera á vel breyttum og upphækkuðum Jeep Wrangler Rubicon.“

Fyrsti þáttur er á dagskrá Stöðvar 2 í kvöld klukkan 19:10.