Viðskipti innlent

Örn Yngvi til atNorth frá Controlant

Atli Ísleifsson skrifar
Erling Guðmundsson, framkvæmdastjóri rekstrar atNorth, býður Örn Ingva velkominn til starfa.
Erling Guðmundsson, framkvæmdastjóri rekstrar atNorth, býður Örn Ingva velkominn til starfa. Aðsend

Örn Ingvi Jónsson hefur verið ráðinn til gagnavers- og ofurtölvufyrirtækisins atNorth í stöðu rekstrarstjóra á Íslandi.

Í tilkynningu kemur fram að Örn Ingvi komi til atNorth frá Controlant þar sem hann hafi verið framkvæmdastjóri tækjareksturs. 

Þar áður hafi hann verið framkvæmdastjóri Mink Campers um þriggja ára skeið eftir ríflega tveggja áratuga feril hjá stoðtækjafyrirtækinu Össuri.

„Með ráðningu Arnar Ingva heldur atNorth áfram að styrkja teymi fyrirtækisins með þjónustu við viðskiptavini í huga, en eftirspurn eftir þjónustu atNorth hefur aukist hröðum skrefum. Fyrirtækið rekur nú sjö gagnaver í þremur af fimm Norðurlöndum og eru áætlanir um þrjú til viðbótar, auk stækkunar gagnavers atNorth á Akureyri. Norðurlöndin henta sérlega vel fyrir uppbyggingu gagnavera og ofurtölvubúnaðar vegna aðgengi að umhverfisvænni orku og kjöraðstæðna til góðrar orkunýtingar,“ segir í tilkynningunni. 

Örn Ingvi er með C.Sc.-próf í vélaverkfræði frá Háskóla íslands og M.Sc.-próf í vélaverkfræði frá Danmarks tekniske Universitet.

Vistaskipti


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið