Viðskipti innlent

Verð­bólga hjaðnar lítil­lega

Bjarki Sigurðsson skrifar
Verðbólgan hjaðnar þennan mánuðinn um 0,1 prósentustig.
Verðbólgan hjaðnar þennan mánuðinn um 0,1 prósentustig. Vísir/Vilhelm

Verðbólga mælist nú 6,6 prósent en hún var 6,7 prósent í síðasta mánuði. Vísitala neysluverðs hækkaði um 1,33 prósent milli mánaða en verðbólgan hefur ekki verið lægri síðan í febrúar 2022.

Þetta kemur fram í uppfærðum tölum Hagstofu Íslands. Þar segir að verð á fötum og skóm hafi hækkað um 8,4 prósent milli mánaða, enda var útsölum að ljúka, og skilaði 0,3 prósentustiga hækkun á vísitölu neysluverðs.

Skýring Seðlabankans á hvað verðbólga er:

Verðbólga er skilgreind sem viðvarandi hækkun almenns verðlags og er mæld sem tólf mánaða breyting vísitölu neysluverðs. Sú vísitala mælir meðalverð á vörum og þjónustu sem heimili á Íslandi kaupa í hverjum mánuði. Verðbólga felur í sér að verðgildi og kaupmáttur peninga minnkar, þ.e.a.s. minna magn vöru og þjónustu fæst fyrir hverja krónu.

Verð á húsgögnum hækkaði um 5,5 prósent og skilar 0,31 prósentustiga hækkun á vísitölunni. Mat- og drykkjarvara hækkaði um 0,7 prósent og skilar 0,1 prósentustigs hækkun.

Efnahagsmál Fjármál heimilisins Neytendur Verðlag Íslenska krónan


Mest lesið


Fleiri fréttir

Sjá meira


×

Mest lesið