Einkunnir Strákanna okkar á móti Austurríki: Sigvaldi góður en Bjarki brást Íþróttadeild Vísis skrifar 24. janúar 2024 17:01 Bjarki Már Elísson (lengst til hægri) átti afleitan leik gegn Austurríki. vísir/vilhelm Íslenska karlalandsliðið í handbolta vann tveggja marka sigur á Austurríki, 24-26, í lokaleik sínum í milliriðli 1 á EM í Þýskalandi í dag. Afleit byrjun á seinni hálfleik gerði úti um vonir Íslands á að vinna nógu stóran sigur til að komast beint í forkeppni Ólympíuleikanna. Ísland var 8-14 yfir í hálfleik eftir að hafa skorað síðustu sex mörk fyrri hálfleiks. Íslenska liðið komst aftur sex mörkum yfir í byrjun seinni hálfleiks, 9-15, en skoraði svo ekki í rúmar þrettán mínútur. Á meðan gerði Austurríki sjö mörk í röð og komst yfir. Íslenska liðið tók sig taki eftir þetta og gerði nóg til að vinna leikinn en það er óvíst að það dugi til að komast í forkeppni Ólympíuleikanna. Viktor Gísli Hallgrímsson var stórkostlegur í fyrri hálfleik þegar hann varði sautján skot, eða 68 prósent þeirra skota sem hann fékk á sig. Hann datt hins vegar hressilega niður í seinni hálfleik á meðan Constantin Möstl varði allt hvað af tók í austurríska markinu, alls 22 skot (46 prósent). Sigvaldi Guðjónsson og Aron Pálmarsson skoruðu samtals fimmtán mörk og báru hitann og þungann af markaskorun íslenska liðsins. Aðrir sóknarmenn þess áttu erfitt uppdráttar. Líkt og áður þá gefur íþróttadeild Vísis og Stöðvar tvö leikmönnum og þjálfaranum einkunnir fyrir frammistöðu sína. Leikmenn og þjálfarar fá einkunn á bilinu 1-6 með umsögn, en neðst í fréttinni má sjá hvað hver einkunn þýðir. Einkunnir Íslands gegn Austurríki:- Byrjunarlið Íslands í leiknum - Viktor Gísli Hallgrímsson, markvörður - 4 (19 varin skot - 44:39 mín.) Algjörlega stórkostlegur í fyrri hálfleik. Varði þá sautján skot en sex sinnum var dæmt aukakast á íslenska liðið. Var með vart trúanlega 68 prósent hlutfallsmarkvörslu. Íslenska vörnin datt hressilega niður í seinni hálfleik og Viktor sömuleiðis. Varði tvö skot í seinni hálfleik áður en hann var tekinn af velli. Endaði leikinn með nítján varin skot, eða 54 prósent þeirra skota sem hann fékk á sig. Bjarki Már Elísson, vinstri hornamaður - 1 (0 mörk - 40:38 mín.) Hörmungarframmistaða hjá Bjarka sem klúðraði öllum fjórum skotunum sínum. Staða íslenska liðsins væri allt önnur ef hann hefði nýtt færin sín. Hefur verið ólíkur sjálfum sér undanfarnar vikur og því miður átt sitt lélegasta stórmót síðan hann kom inn í landsliðið. Óásættanleg frammistaða í dag. Elvar Örn Jónsson, vinstri skytta - 3 (0 mörk - 40:50 mín.) Framúrskarandi í vörninni í fyrri hálfleik en tók skrítnar ákvarðanir í sókninni. Klúðraði öllum þremur skotunum sínum og fann ekki sama takt í vörninni í seinni hálfleik. Aron Pálmarsson, leikstjórnandi - 4 (7 mörk - 38:25 mín.) Kórónaði gott mót með flottri frammistöðu í dag. Byrjaði leikinn af krafti og skoraði þrjú af fyrstu fjórum mörkum Íslands. Fékk mikla hvíld í fyrri hálfleik en kom ekki nógu sterkur inn í þann seinni. Fékk ekkert við ráðið á þrettán mínútna kaflanum þar sem Íslendingar skoruðu ekki en vaknaði aftur undir lokin. Lauk leik með sjö mörk og átti heilt yfir góðan leik. Spilaði sitt besta stórmót síðan á Ólympíuleikunum í London 2012. Viggó Kristjánsson, hægri skytta - 3 (3 mörk - 37:35 mín.) Eftir góða frammistöðu á mótinu til þessa fann Viggó ekki alveg taktinn í dag. Átti ágætis kafla en getur gert miklu betur. Sigvaldi Guðjónsson, hægri hornamaður - 5 (8 mörk - 56:35 mín.) Spilaði allan leikinn í hægra horninu og var frábær. Var öryggið uppmálað og skoraði úr öllum átta skotunum sínum. Elliði Snær Viðarsson, línumaður - 2 (2 mörk - 43:18 mín.) Góður í vörn í fyrri hálfleik en afleitur í þeim seinni. Klikkaði á tveimur færum og fékk svo þrjár tveggja mínútna brottvísanir. Íslenska liðið hefði þurft betri frammistöðu frá Elliða í dag. - Menn sem komu inn af bekknum í leiknum - Björgvin Páll Gústavsson, markvörður - 2 (3 varin skot - 11:39 mín.) Kom inn á um miðjan seinni hálfleik en varði aðeins þrjú skot. Hefur átt góðar innkomur á mótinu en þetta var ekki ein af þeim. Janus Daði Smárason, leikstjórnandi - 3 (2 mörk - 16:04 mín.) Kom virkilega sterkur inn á í fyrri hálfleik og stýrði sóknarleiknum af festu. Var hins vegar agalega lélegur fyrri hluta seinni hálfleiks og var þá ekki með neina stjórn á hlutunum. Ómar Ingi Magnússon, hægri skytta 2 (1 mark - 19:58 mín.) Sneri aftur eftir veikindi en náði sér engan veginn á strik, ekki frekar en í öðrum leikjum á mótinu. Hefur verið skugginn af sjálfum sér á EM. Arnar Freyr Arnarsson, línumaður - 2 (0 mörk - 18:44 mín.) Var oft úti að aka í íslensku vörninni og tókst ekki að fylla skarðið sem Ýmir Örn Gíslason skildi eftir sig. Haukur Þrastarson, leikstjórnandi - 2 (3 mörk - 30:35 mín.) Eftir frábærar innkomur gegn Frakklandi og Króatíu fann Haukur sig ekki í dag. Með slaka skotnýtingu og náði ekki að breyta gangi leiksins. Stiven Tobar Valencia, vinstri hornamaður - 2 (0 mörk - 19:12 mín.) Kom inn á um miðbik seinni hálfleiks þegar það var fullreynt með Bjarka. Virðist enn ekki vera tilbúinn í verkefni sem þetta. Einar Þorsteinn Ólafsson, varnarmaður - (0 mörk - 1:32 mín.) Kom inn á undir lokin til að freista þess að hleypa leiknum upp. Mun búa að reynslunni frá þessu móti í framtíðinni. Óðinn Þór Ríkharðsson, hægri hornamaður - (0 mörk - 16 sek.) Kom inn á til að taka eitt vítakast og klúðraði því. Spilaði ekki nóg til að fá einkunn. Teitur Örn Einarsson, hægri skytta - spilaði ekkert Snorri Steinn Guðjónsson þjálfari - 3 Gat verið mjög ánægður með stöðuna í hálfleik enda Ísland sex mörkum yfir. En hvað gerðist eiginlega í hálfleiknum? Íslenska liðið mætti allavega með buxurnar á hælunum til leiks í seinni hálfleik. Vörnin var vond en sóknin enn verri og Íslendingar skoruðu ekki í rúmar þrettán mínútur. Snorri virtist ekki eiga neinar lausnir uppi í erminni á þessum kafla og fær falleinkunn fyrir hann. Getur vissulega ekki nýtt færin fyrir leikmennina sem brugðust flestir í dag, sem og á mótinu öllu en ábyrgðin liggur á endanum hjá þjálfaranum. Hefur komið vel fyrir og verið heiðarlegur í svörum á mótinu en hefur ekki alltaf verið með réttu lausnirnar eða rétta uppleggið í leikjum. Mun læra helling af síðustu vikum. Útskýring á einkunnum 6 - Heimsklassa frammistaða 5 - Frábær frammistaða 4 - Góð frammistaða 3 - Sæmileg frammistaða - skilaði sínu 2 - Ekki nógu góð frammistaða 1 - Slakur leikur EM 2024 í handbolta Landslið karla í handbolta Mest lesið Leik lokið: Valur - Fram 27-28 | Fram Íslandsmeistari í fyrsta sinn í tólf ár Handbolti Vinkonur ósáttar við ákvörðun Söru: „Við töluðumst ekki við í smátíma“ Fótbolti Sjáðu magnaðar myndir úr klefa Stjörnumanna Körfubolti Þjálfari Íslendingaliðsins hné niður í úrslitaleiknum Handbolti Utan vallar: Í reykjarmekki alsælunnar Körfubolti Dræm mæting á fyrsta leik hafi verið Valsliðinu áfall Handbolti Trúlofað par tekið inn í FH fjölskylduna Handbolti Þeir bestu (8.-7. sæti): Markamaskínur frá Dalvík og Danmörku Íslenski boltinn Fernandes tilbúinn að fara ef United vill græða á honum Enski boltinn Uppgjörið: Tindastóll - Stjarnan 77-82 | Stjarnan er Íslandsmeistari Körfubolti Fleiri fréttir Leik lokið: Valur - Fram 27-28 | Fram Íslandsmeistari í fyrsta sinn í tólf ár Ómar óstöðvandi í sigri Magdeburg Óðinn og félagar einum sigri frá titlinum Þýskaland, Úrúgvæ og Serbía með Íslandi í riðli á HM Trúlofað par tekið inn í FH fjölskylduna Dræm mæting á fyrsta leik hafi verið Valsliðinu áfall Þjálfari Íslendingaliðsins hné niður í úrslitaleiknum Kolstad kláraði úrslitaeinvígið Baldur mátaði sig við þá bestu og setur stefnuna á toppinn Uppgjörið: Valur - Haukar 30-28 (1-0) | Engin þynnka í Evrópumeisturunum „Að besta dómarapar Íslands sitji upp í stúku finnst mér ansi skrýtið“ „Það er kúnst að leggja þetta til hliðar og byrja að fókusa“ Samgleðst vinkonum í Val sem eru vonandi þunnar „Ótrúlegt að við höfum unnið þennan leik“ Ómar Ingi hélt upp á framlengingu á samningi með stórleik Uppgjörið: Fram - Valur 27-26 | Fram einum sigri frá Íslandsmeistaratitlinum Framarar fengu drjúgan tíma til að sóla sig um helgina Dagur bikarmeistari eftir maraþon vítakeppni Sigur hjá Kolstad í fyrsta leik úrslitanna Óðinn markahæstur í fyrsta leik úrslitaeinvígisins Löggan óskaði Hildigunni til hamingju Mögnuð stemmning þegar Valskonur tryggðu sér Evrópubikarinn Sýning hjá Viktori Gísla í stórsigri Wisla Plock „Ég ætla að leyfa stelpunum að njóta í kvöld“ Uppgjörið: Valur - Porrino 25-24 | Valskonur Evrópumeistarar fyrstar kvennaliða Táraðist vegna ólýsanlegrar gleði „Ég byrjaði bara að gráta, ég réði ekki við neitt“ Arnór stýrði sínum mönnum í undanúrslit „Orðið sem ég nota er forréttindapési“ Elvar í aðalhlutverki þegar Melsungen tók stórt skref í titilslagnum Sjá meira
Ísland var 8-14 yfir í hálfleik eftir að hafa skorað síðustu sex mörk fyrri hálfleiks. Íslenska liðið komst aftur sex mörkum yfir í byrjun seinni hálfleiks, 9-15, en skoraði svo ekki í rúmar þrettán mínútur. Á meðan gerði Austurríki sjö mörk í röð og komst yfir. Íslenska liðið tók sig taki eftir þetta og gerði nóg til að vinna leikinn en það er óvíst að það dugi til að komast í forkeppni Ólympíuleikanna. Viktor Gísli Hallgrímsson var stórkostlegur í fyrri hálfleik þegar hann varði sautján skot, eða 68 prósent þeirra skota sem hann fékk á sig. Hann datt hins vegar hressilega niður í seinni hálfleik á meðan Constantin Möstl varði allt hvað af tók í austurríska markinu, alls 22 skot (46 prósent). Sigvaldi Guðjónsson og Aron Pálmarsson skoruðu samtals fimmtán mörk og báru hitann og þungann af markaskorun íslenska liðsins. Aðrir sóknarmenn þess áttu erfitt uppdráttar. Líkt og áður þá gefur íþróttadeild Vísis og Stöðvar tvö leikmönnum og þjálfaranum einkunnir fyrir frammistöðu sína. Leikmenn og þjálfarar fá einkunn á bilinu 1-6 með umsögn, en neðst í fréttinni má sjá hvað hver einkunn þýðir. Einkunnir Íslands gegn Austurríki:- Byrjunarlið Íslands í leiknum - Viktor Gísli Hallgrímsson, markvörður - 4 (19 varin skot - 44:39 mín.) Algjörlega stórkostlegur í fyrri hálfleik. Varði þá sautján skot en sex sinnum var dæmt aukakast á íslenska liðið. Var með vart trúanlega 68 prósent hlutfallsmarkvörslu. Íslenska vörnin datt hressilega niður í seinni hálfleik og Viktor sömuleiðis. Varði tvö skot í seinni hálfleik áður en hann var tekinn af velli. Endaði leikinn með nítján varin skot, eða 54 prósent þeirra skota sem hann fékk á sig. Bjarki Már Elísson, vinstri hornamaður - 1 (0 mörk - 40:38 mín.) Hörmungarframmistaða hjá Bjarka sem klúðraði öllum fjórum skotunum sínum. Staða íslenska liðsins væri allt önnur ef hann hefði nýtt færin sín. Hefur verið ólíkur sjálfum sér undanfarnar vikur og því miður átt sitt lélegasta stórmót síðan hann kom inn í landsliðið. Óásættanleg frammistaða í dag. Elvar Örn Jónsson, vinstri skytta - 3 (0 mörk - 40:50 mín.) Framúrskarandi í vörninni í fyrri hálfleik en tók skrítnar ákvarðanir í sókninni. Klúðraði öllum þremur skotunum sínum og fann ekki sama takt í vörninni í seinni hálfleik. Aron Pálmarsson, leikstjórnandi - 4 (7 mörk - 38:25 mín.) Kórónaði gott mót með flottri frammistöðu í dag. Byrjaði leikinn af krafti og skoraði þrjú af fyrstu fjórum mörkum Íslands. Fékk mikla hvíld í fyrri hálfleik en kom ekki nógu sterkur inn í þann seinni. Fékk ekkert við ráðið á þrettán mínútna kaflanum þar sem Íslendingar skoruðu ekki en vaknaði aftur undir lokin. Lauk leik með sjö mörk og átti heilt yfir góðan leik. Spilaði sitt besta stórmót síðan á Ólympíuleikunum í London 2012. Viggó Kristjánsson, hægri skytta - 3 (3 mörk - 37:35 mín.) Eftir góða frammistöðu á mótinu til þessa fann Viggó ekki alveg taktinn í dag. Átti ágætis kafla en getur gert miklu betur. Sigvaldi Guðjónsson, hægri hornamaður - 5 (8 mörk - 56:35 mín.) Spilaði allan leikinn í hægra horninu og var frábær. Var öryggið uppmálað og skoraði úr öllum átta skotunum sínum. Elliði Snær Viðarsson, línumaður - 2 (2 mörk - 43:18 mín.) Góður í vörn í fyrri hálfleik en afleitur í þeim seinni. Klikkaði á tveimur færum og fékk svo þrjár tveggja mínútna brottvísanir. Íslenska liðið hefði þurft betri frammistöðu frá Elliða í dag. - Menn sem komu inn af bekknum í leiknum - Björgvin Páll Gústavsson, markvörður - 2 (3 varin skot - 11:39 mín.) Kom inn á um miðjan seinni hálfleik en varði aðeins þrjú skot. Hefur átt góðar innkomur á mótinu en þetta var ekki ein af þeim. Janus Daði Smárason, leikstjórnandi - 3 (2 mörk - 16:04 mín.) Kom virkilega sterkur inn á í fyrri hálfleik og stýrði sóknarleiknum af festu. Var hins vegar agalega lélegur fyrri hluta seinni hálfleiks og var þá ekki með neina stjórn á hlutunum. Ómar Ingi Magnússon, hægri skytta 2 (1 mark - 19:58 mín.) Sneri aftur eftir veikindi en náði sér engan veginn á strik, ekki frekar en í öðrum leikjum á mótinu. Hefur verið skugginn af sjálfum sér á EM. Arnar Freyr Arnarsson, línumaður - 2 (0 mörk - 18:44 mín.) Var oft úti að aka í íslensku vörninni og tókst ekki að fylla skarðið sem Ýmir Örn Gíslason skildi eftir sig. Haukur Þrastarson, leikstjórnandi - 2 (3 mörk - 30:35 mín.) Eftir frábærar innkomur gegn Frakklandi og Króatíu fann Haukur sig ekki í dag. Með slaka skotnýtingu og náði ekki að breyta gangi leiksins. Stiven Tobar Valencia, vinstri hornamaður - 2 (0 mörk - 19:12 mín.) Kom inn á um miðbik seinni hálfleiks þegar það var fullreynt með Bjarka. Virðist enn ekki vera tilbúinn í verkefni sem þetta. Einar Þorsteinn Ólafsson, varnarmaður - (0 mörk - 1:32 mín.) Kom inn á undir lokin til að freista þess að hleypa leiknum upp. Mun búa að reynslunni frá þessu móti í framtíðinni. Óðinn Þór Ríkharðsson, hægri hornamaður - (0 mörk - 16 sek.) Kom inn á til að taka eitt vítakast og klúðraði því. Spilaði ekki nóg til að fá einkunn. Teitur Örn Einarsson, hægri skytta - spilaði ekkert Snorri Steinn Guðjónsson þjálfari - 3 Gat verið mjög ánægður með stöðuna í hálfleik enda Ísland sex mörkum yfir. En hvað gerðist eiginlega í hálfleiknum? Íslenska liðið mætti allavega með buxurnar á hælunum til leiks í seinni hálfleik. Vörnin var vond en sóknin enn verri og Íslendingar skoruðu ekki í rúmar þrettán mínútur. Snorri virtist ekki eiga neinar lausnir uppi í erminni á þessum kafla og fær falleinkunn fyrir hann. Getur vissulega ekki nýtt færin fyrir leikmennina sem brugðust flestir í dag, sem og á mótinu öllu en ábyrgðin liggur á endanum hjá þjálfaranum. Hefur komið vel fyrir og verið heiðarlegur í svörum á mótinu en hefur ekki alltaf verið með réttu lausnirnar eða rétta uppleggið í leikjum. Mun læra helling af síðustu vikum. Útskýring á einkunnum 6 - Heimsklassa frammistaða 5 - Frábær frammistaða 4 - Góð frammistaða 3 - Sæmileg frammistaða - skilaði sínu 2 - Ekki nógu góð frammistaða 1 - Slakur leikur
6 - Heimsklassa frammistaða 5 - Frábær frammistaða 4 - Góð frammistaða 3 - Sæmileg frammistaða - skilaði sínu 2 - Ekki nógu góð frammistaða 1 - Slakur leikur
EM 2024 í handbolta Landslið karla í handbolta Mest lesið Leik lokið: Valur - Fram 27-28 | Fram Íslandsmeistari í fyrsta sinn í tólf ár Handbolti Vinkonur ósáttar við ákvörðun Söru: „Við töluðumst ekki við í smátíma“ Fótbolti Sjáðu magnaðar myndir úr klefa Stjörnumanna Körfubolti Þjálfari Íslendingaliðsins hné niður í úrslitaleiknum Handbolti Utan vallar: Í reykjarmekki alsælunnar Körfubolti Dræm mæting á fyrsta leik hafi verið Valsliðinu áfall Handbolti Trúlofað par tekið inn í FH fjölskylduna Handbolti Þeir bestu (8.-7. sæti): Markamaskínur frá Dalvík og Danmörku Íslenski boltinn Fernandes tilbúinn að fara ef United vill græða á honum Enski boltinn Uppgjörið: Tindastóll - Stjarnan 77-82 | Stjarnan er Íslandsmeistari Körfubolti Fleiri fréttir Leik lokið: Valur - Fram 27-28 | Fram Íslandsmeistari í fyrsta sinn í tólf ár Ómar óstöðvandi í sigri Magdeburg Óðinn og félagar einum sigri frá titlinum Þýskaland, Úrúgvæ og Serbía með Íslandi í riðli á HM Trúlofað par tekið inn í FH fjölskylduna Dræm mæting á fyrsta leik hafi verið Valsliðinu áfall Þjálfari Íslendingaliðsins hné niður í úrslitaleiknum Kolstad kláraði úrslitaeinvígið Baldur mátaði sig við þá bestu og setur stefnuna á toppinn Uppgjörið: Valur - Haukar 30-28 (1-0) | Engin þynnka í Evrópumeisturunum „Að besta dómarapar Íslands sitji upp í stúku finnst mér ansi skrýtið“ „Það er kúnst að leggja þetta til hliðar og byrja að fókusa“ Samgleðst vinkonum í Val sem eru vonandi þunnar „Ótrúlegt að við höfum unnið þennan leik“ Ómar Ingi hélt upp á framlengingu á samningi með stórleik Uppgjörið: Fram - Valur 27-26 | Fram einum sigri frá Íslandsmeistaratitlinum Framarar fengu drjúgan tíma til að sóla sig um helgina Dagur bikarmeistari eftir maraþon vítakeppni Sigur hjá Kolstad í fyrsta leik úrslitanna Óðinn markahæstur í fyrsta leik úrslitaeinvígisins Löggan óskaði Hildigunni til hamingju Mögnuð stemmning þegar Valskonur tryggðu sér Evrópubikarinn Sýning hjá Viktori Gísla í stórsigri Wisla Plock „Ég ætla að leyfa stelpunum að njóta í kvöld“ Uppgjörið: Valur - Porrino 25-24 | Valskonur Evrópumeistarar fyrstar kvennaliða Táraðist vegna ólýsanlegrar gleði „Ég byrjaði bara að gráta, ég réði ekki við neitt“ Arnór stýrði sínum mönnum í undanúrslit „Orðið sem ég nota er forréttindapési“ Elvar í aðalhlutverki þegar Melsungen tók stórt skref í titilslagnum Sjá meira