Innlent

Óvissustigi vegna jökulhlaups úr Grímsvötnum aflýst

Kolbeinn Tumi Daðason skrifar
Frá Grímsvötnum.
Frá Grímsvötnum. Vísir/RAX

Ríkislögreglustjóri, í samráði við Lögreglustjórann á Suðurlandi, hefur aflýst óvissustigi almannavarna vegna jökulhlaups úr Grímsvötnum.

Óvissustigi var lýst yfir 10. janúar síðastliðinn en þá var íshellan í Grímsvötnum tekin að lækka. 

Frá því að hlaupið náði hámarki í Gígjukvísl hefur vatnshæð þar farið lækkandi og er nú orðin svipuð og hún var fyrir hlaup. Hlaupórói sem mældist á jarðskjálftamæli á Grímsfjalli hefur líka lækkað og er nú kominn niður í eðlilegt horf.

Þekkt er að sigkatlar hafa myndast á svæðinu í síðustu hlaupum og því er ferðafólki ráðlagt að vera ekki á ferð um þessar slóðir, segir á vef Veðurstofunnar.

Almannavarnir Grímsvötn Skaftárhreppur Lögreglumál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið