Þetta staðfesti Anton við handbolta.is í dag. Þeir Jónas eru því á heimleið frá Þýskalandi þar sem EM fer fram. Líkt og helmingur liðanna 24 sem tóku þátt á EM eru nokkur dómarapör einnig á förum frá Þýskalandi.
Anton og Jónas dæmdu tvo leiki í riðlakeppninni á EM, leik Bosníu og Hollands annars vegar og leik Tékklands og Grikklands hins vegar.
Þeir félagar hafa dæmt á þremur Evrópumótum í röð en Anton dæmdi einnig á EM 2012 með Hlyni Leifssyni.
