Augljóst að frumvarpið hafi ekki verið samið af fagfólki Kolbeinn Tumi Daðason skrifar 16. janúar 2024 10:51 Guðmundur Kristjánsson forstjóri Brims er ósáttur við að ekki hafi verið leitað í sérfræðiþekkingu útgerðarfélaganna við gerð frumvarpsins. Vísir/Vilhelm Forstjóri útgerðarfélagsins Brims segir ljóst að frumvarp matvælaráðherra til laga um sjávarútveg hafi ekki verið samið af fagfólki eða aðilum með mikla reynslu og yfirsýn á sviði fiskveiðistjórnunar. Hann vill að frumvarpið verði unnið betur, í samvinnu við þá sem best þekki til, áður en lengra verður haldið. Þetta kemur fram í umsögn Brims um drög að frumvarpi til heildarlaga um sjávarútveg og drög að þingsályktun um sjávarútvegsstefnu sem Guðmundur forstjóri Kristjánsson skrifar undir. Frumvarpsdrögin voru birt í samráðsgátt stjórnvalda í lok nóvember og byggðu á stefnumótunarvinnu Svandísar Svavarsdóttur matvælaráðherra sem lauk með útgáfu skýrslunnar Auðlindin okkar. Þar voru lagðar fram þrjátíu tillögur að breytingum til að tryggja betur hagkvæmni og sjálfbæra nýtingu sjávarauðlinda í sátt við umhverfi og samfélag. Svandís sagði í grein á Vísi þann 24. nóvember að frumvarpið hefði annars vegar það markmið að leiða fyrrnefndar tillögur í lög og hins vegar að einfalda og uppfæra núgildandi löggjöf. Guðmundur Kristjánsson forstjóri Brims skrifar undir álit fyrirtækisins á frumvarpsdrögunum. Hann finnur því ýmislegt til foráttu. Byggi á útbreiddum misskilningi Brim er skráð á markað og metið á 163 milljarða íslenskra króna. Félagið fær úthlutað rúmlega ellefu prósent af heildaraflaheimildum sem er rétt undir lögbundnu hámarki. Aðeins Síldarvinnslusamstæðan á örlítið stærri aflahlutdeild. Brim hefur því ríka hagsmuni af breytingum á lögum í sjávarútvegi. Guðmundur segist hafa kosið að ráðuneytið hefði unnið að drögunum í samvinnu við helstu hagaðila til að tryggja faglegri efnistök og málefnalegri og árangursríkari vinnu. Ekki er annað að skilja en að Guðmundur sé ósáttur við að ekki hafi verið leitað til ýmissa sérfræðinga og stóru útgerðanna, þar á meðal Brim, við vinnuna. „Við lestur skjalanna er augljóst að skjölin hafa ekki verið samin af fagfólki eða aðilum með mikla reynslu og yfirsýn á sviði fiskveiðistjórnunar. Ferli sem átti að byrja sem lagaeinföldun með því að fella saman nokra gildandi lagabálka í einn lagabálk, hefur getið af sér frumvarpsdrög sem byggja á útbreiddum misskilningi og misnotkun hugtaka alþjóðasamninga, rangar og misvísandi hugtakaskilgreiningar eru settar fram, auk fjölmargra annarra atriða sem endar í ruglingslegri blöndu sem getur ekki gengið upp sem skýr og skilvirkur endurskoðaður lagarammi til að stýra einni af grundvallaratvinnugreinum þjóðarinnar,“ segir Guðmundur. Bagalegt og draga þurfi skjalið til baka Nokkur jákvæð sjónarmið komi þó fram í dögunum eins og að á Íslandi hafi verið byggt upp fiskveiðistjórnunarkerfi sem stuðli að ábyrgum fiskveiðum á sjálfbærum grunni. Jafnframt að stuðla eigi að hagkvæmri og skynsamlegri nýtingu sjávarauðlinda, byggt á sjálfbærri nýtingu. „Þessi atriði falla þó í skuggann af öðrum efnisatriðum sem fela í sér afturför íslensks sjávarútvegs. Þar sem frumvarpið er því miður illa unnið, þá felur það í sér mun fleiri „nýmæli“ en þau nýmæli sem ráðuneytið dregur fram í sínum drögum. Það er bagalegt og eitt og sér næg ástæða til að draga eigi þetta skjal til baka og vinna það betur, áður en lengra er haldið.“ Guðmundur segir höfund frumvarpsins þræða upp alla helstu ósiði Evrópusambandsins og Alþjóðahafrannsóknarráðsins við fiskveiðistjórnun sem svo illa hafi reynst í stað þess að byggja með beinum hætti á samþykktum alþjóðasamfélagsins á vettvangi Sameinuðu þjóðanna sem Ísland sé aðili að, hafi staðfest og eigi stóran þátt í að móta. „Með þesu er grafið undan þeim lærdómi sem dýrkeypt reynsla alþjóðasamfélagsins hefur skapað og formfest ásamt helstu kostum þeirrar fiskveiðistjórnunar sem Íslendingar hafa valið sér og mótað og talin er meðal helstu verðmæta greinarinnar mælt í góðri umgengni og samfélagshæfni.“ Drögin séu ekki nothæf Guðmundur segir að verkefnið þurfi að vinna í góðri samvinnu og samstarfi við atvinnugreinina og við þá sem best þekkja til á hverjum stað. Drögin að frumvarpi séu ekki nothæf og myndu leiða til mikillar réttaróvissu og valda afturför á sviði íslenskrar fiskveiðistjórnunar. „Það er því mat Brims að mál þetta ætti ekki að fá frekari framgang heldur verði unnið betur áður en lengra verður haldið.“ Sjávarútvegur Brim Ríkisstjórn Katrínar Jakobsdóttur Alþingi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Að sækja um starf eftir uppsögn Atvinnulíf ChatGPT og endurbætt Siri væntanlegar nýjungar Apple Viðskipti erlent Borgar 760 þúsund fyrir flísalögn sem átti að kosta þrjár milljónir Neytendur Fyrsta íslenska grænkera ostagerðin í hættu Viðskipti innlent Írskur matsölustaður hafði betur í vörumerkjadeilum við McDonalds Viðskipti erlent Algeng mistök sem fólk gerir þegar það sækir um starf og góð ráð Atvinnulíf Pepsíunnandi til margra ára kveður drykkinn eftir breytinguna Neytendur Hefur óeðlilega þörf fyrir að strauja allt frá skyrtum í barnasamfellur Atvinnulíf Ánægðari börn, foreldrar og starfsfólk og öflugt fagstarf Samstarf „Rétturinn til viðgerðar“ væntanlegur til landsins Neytendur Fleiri fréttir 500 manns sóttu um störf hjá OCHE Reykjavík Fyrsta íslenska grænkera ostagerðin í hættu Skuldar þrotabúi föður síns fleiri milljarða Fleiri farþegar og betri nýting Gengu frá 135 milljarða samningi um endurfjármögnun skulda Fjárfesta fyrir þrjá milljarða í Reykjanesbæ og Hafnarfirði Ein og hálf milljón farþega á fyrstu fimm mánuðum ársins Ingibjörg Ösp yfir nýrri rekstrarráðgjöf Expectus Þrír nýir stjórnendur hjá Festi „Að fara í slag við þessa risa er nánast ómögulegt“ Fjórir sérfræðingar til liðs við Helix Vilhjálmur Hilmarsson nýr hagfræðingur Visku Heimtu hlutinn úr helju og verða stærstu einkafjárfestarnir Varar við þenslu á byggingamarkaði Ráðinn tækni- og þróunarstjóri Defend Iceland Bein útsending: Ásgeir og Arnór sitja fyrir svörum Þrálát verðbólga mun skapa áskoranir fyrir fjármálakerfið Ráðinn nýr framkvæmdastjóri hjá Landsneti Herða eftirlit með kínverskum verslunarrisa í leiftursókn Félag í eigu Quang Lé gjaldþrota Öfugþróun að minni verðmæti komi af hverjum ferðamanni „Viðskiptakonan“ sem komst á Bessastaði í annarri tilraun Samruninn hefði haft umtalsverð skaðleg áhrif Svarta sviðsmyndin blasir við ferðaþjónustunni í ár Icelandair hefur flug til Halifax á nýjan leik Tæplega sextíu sagt upp hjá Landvinnslu Þorbjarnar í Grindavík 441 sagt upp í sex hópuppsögnum Alls ekki auðveld ákvörðun að selja Bjórböðin Telja SKE hafa farið offari og hætta við kaupin Íslandsbanki greiðir 570 milljóna króna sekt Sjá meira
Þetta kemur fram í umsögn Brims um drög að frumvarpi til heildarlaga um sjávarútveg og drög að þingsályktun um sjávarútvegsstefnu sem Guðmundur forstjóri Kristjánsson skrifar undir. Frumvarpsdrögin voru birt í samráðsgátt stjórnvalda í lok nóvember og byggðu á stefnumótunarvinnu Svandísar Svavarsdóttur matvælaráðherra sem lauk með útgáfu skýrslunnar Auðlindin okkar. Þar voru lagðar fram þrjátíu tillögur að breytingum til að tryggja betur hagkvæmni og sjálfbæra nýtingu sjávarauðlinda í sátt við umhverfi og samfélag. Svandís sagði í grein á Vísi þann 24. nóvember að frumvarpið hefði annars vegar það markmið að leiða fyrrnefndar tillögur í lög og hins vegar að einfalda og uppfæra núgildandi löggjöf. Guðmundur Kristjánsson forstjóri Brims skrifar undir álit fyrirtækisins á frumvarpsdrögunum. Hann finnur því ýmislegt til foráttu. Byggi á útbreiddum misskilningi Brim er skráð á markað og metið á 163 milljarða íslenskra króna. Félagið fær úthlutað rúmlega ellefu prósent af heildaraflaheimildum sem er rétt undir lögbundnu hámarki. Aðeins Síldarvinnslusamstæðan á örlítið stærri aflahlutdeild. Brim hefur því ríka hagsmuni af breytingum á lögum í sjávarútvegi. Guðmundur segist hafa kosið að ráðuneytið hefði unnið að drögunum í samvinnu við helstu hagaðila til að tryggja faglegri efnistök og málefnalegri og árangursríkari vinnu. Ekki er annað að skilja en að Guðmundur sé ósáttur við að ekki hafi verið leitað til ýmissa sérfræðinga og stóru útgerðanna, þar á meðal Brim, við vinnuna. „Við lestur skjalanna er augljóst að skjölin hafa ekki verið samin af fagfólki eða aðilum með mikla reynslu og yfirsýn á sviði fiskveiðistjórnunar. Ferli sem átti að byrja sem lagaeinföldun með því að fella saman nokra gildandi lagabálka í einn lagabálk, hefur getið af sér frumvarpsdrög sem byggja á útbreiddum misskilningi og misnotkun hugtaka alþjóðasamninga, rangar og misvísandi hugtakaskilgreiningar eru settar fram, auk fjölmargra annarra atriða sem endar í ruglingslegri blöndu sem getur ekki gengið upp sem skýr og skilvirkur endurskoðaður lagarammi til að stýra einni af grundvallaratvinnugreinum þjóðarinnar,“ segir Guðmundur. Bagalegt og draga þurfi skjalið til baka Nokkur jákvæð sjónarmið komi þó fram í dögunum eins og að á Íslandi hafi verið byggt upp fiskveiðistjórnunarkerfi sem stuðli að ábyrgum fiskveiðum á sjálfbærum grunni. Jafnframt að stuðla eigi að hagkvæmri og skynsamlegri nýtingu sjávarauðlinda, byggt á sjálfbærri nýtingu. „Þessi atriði falla þó í skuggann af öðrum efnisatriðum sem fela í sér afturför íslensks sjávarútvegs. Þar sem frumvarpið er því miður illa unnið, þá felur það í sér mun fleiri „nýmæli“ en þau nýmæli sem ráðuneytið dregur fram í sínum drögum. Það er bagalegt og eitt og sér næg ástæða til að draga eigi þetta skjal til baka og vinna það betur, áður en lengra er haldið.“ Guðmundur segir höfund frumvarpsins þræða upp alla helstu ósiði Evrópusambandsins og Alþjóðahafrannsóknarráðsins við fiskveiðistjórnun sem svo illa hafi reynst í stað þess að byggja með beinum hætti á samþykktum alþjóðasamfélagsins á vettvangi Sameinuðu þjóðanna sem Ísland sé aðili að, hafi staðfest og eigi stóran þátt í að móta. „Með þesu er grafið undan þeim lærdómi sem dýrkeypt reynsla alþjóðasamfélagsins hefur skapað og formfest ásamt helstu kostum þeirrar fiskveiðistjórnunar sem Íslendingar hafa valið sér og mótað og talin er meðal helstu verðmæta greinarinnar mælt í góðri umgengni og samfélagshæfni.“ Drögin séu ekki nothæf Guðmundur segir að verkefnið þurfi að vinna í góðri samvinnu og samstarfi við atvinnugreinina og við þá sem best þekkja til á hverjum stað. Drögin að frumvarpi séu ekki nothæf og myndu leiða til mikillar réttaróvissu og valda afturför á sviði íslenskrar fiskveiðistjórnunar. „Það er því mat Brims að mál þetta ætti ekki að fá frekari framgang heldur verði unnið betur áður en lengra verður haldið.“
Sjávarútvegur Brim Ríkisstjórn Katrínar Jakobsdóttur Alþingi Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Að sækja um starf eftir uppsögn Atvinnulíf ChatGPT og endurbætt Siri væntanlegar nýjungar Apple Viðskipti erlent Borgar 760 þúsund fyrir flísalögn sem átti að kosta þrjár milljónir Neytendur Fyrsta íslenska grænkera ostagerðin í hættu Viðskipti innlent Írskur matsölustaður hafði betur í vörumerkjadeilum við McDonalds Viðskipti erlent Algeng mistök sem fólk gerir þegar það sækir um starf og góð ráð Atvinnulíf Pepsíunnandi til margra ára kveður drykkinn eftir breytinguna Neytendur Hefur óeðlilega þörf fyrir að strauja allt frá skyrtum í barnasamfellur Atvinnulíf Ánægðari börn, foreldrar og starfsfólk og öflugt fagstarf Samstarf „Rétturinn til viðgerðar“ væntanlegur til landsins Neytendur Fleiri fréttir 500 manns sóttu um störf hjá OCHE Reykjavík Fyrsta íslenska grænkera ostagerðin í hættu Skuldar þrotabúi föður síns fleiri milljarða Fleiri farþegar og betri nýting Gengu frá 135 milljarða samningi um endurfjármögnun skulda Fjárfesta fyrir þrjá milljarða í Reykjanesbæ og Hafnarfirði Ein og hálf milljón farþega á fyrstu fimm mánuðum ársins Ingibjörg Ösp yfir nýrri rekstrarráðgjöf Expectus Þrír nýir stjórnendur hjá Festi „Að fara í slag við þessa risa er nánast ómögulegt“ Fjórir sérfræðingar til liðs við Helix Vilhjálmur Hilmarsson nýr hagfræðingur Visku Heimtu hlutinn úr helju og verða stærstu einkafjárfestarnir Varar við þenslu á byggingamarkaði Ráðinn tækni- og þróunarstjóri Defend Iceland Bein útsending: Ásgeir og Arnór sitja fyrir svörum Þrálát verðbólga mun skapa áskoranir fyrir fjármálakerfið Ráðinn nýr framkvæmdastjóri hjá Landsneti Herða eftirlit með kínverskum verslunarrisa í leiftursókn Félag í eigu Quang Lé gjaldþrota Öfugþróun að minni verðmæti komi af hverjum ferðamanni „Viðskiptakonan“ sem komst á Bessastaði í annarri tilraun Samruninn hefði haft umtalsverð skaðleg áhrif Svarta sviðsmyndin blasir við ferðaþjónustunni í ár Icelandair hefur flug til Halifax á nýjan leik Tæplega sextíu sagt upp hjá Landvinnslu Þorbjarnar í Grindavík 441 sagt upp í sex hópuppsögnum Alls ekki auðveld ákvörðun að selja Bjórböðin Telja SKE hafa farið offari og hætta við kaupin Íslandsbanki greiðir 570 milljóna króna sekt Sjá meira