Viðskipti innlent

Ása Inga tekur við af reynsluboltanum Val­geiri

Kolbeinn Tumi Daðason skrifar
Ása Inga var framkvæmdastjóri Stjörnunnar í sex ár áður en hún hóf störf hjá Vinnuvernd.
Ása Inga var framkvæmdastjóri Stjörnunnar í sex ár áður en hún hóf störf hjá Vinnuvernd.

Ása Inga Þorsteinsdóttir hefur verið ráðin framkvæmdastjóri Vinnuverndar. Hún tekur við starfinu af Valgeiri Sigurðssyni sem lýkur störfum eftir átján ár í starfi framkvæmdastjóra eða allt frá stofnun Vinnuverndar árið 2005.

Á vef Vinnuverndar kemur fram að Valgeir hafi í lok október óskað eftir því að hætta störfum. Ása Inga hafi tekið við starfinu 4. desember en Valgeir verður henni og fyrirtækinu til aðstoðar út febrúar.

„Valgeir hefur verið mjög farsæll framkvæmdastjóri og hefur haft lag á að laða hæft og gott fólk til starfa hjá fyrirtækinu. Hann hefur ávallt náð góðum árangri í þeim verkefnum sem hann hefur tekið sér fyrir hendur og átt stærstan þátt í uppbyggingu og árangursríkri vegferð Vinnuverndar,“ segir á vef Vinnuverndar.

Ása Inga hóf störf hjá Vinnuvernd fyrir rúmu ári síðan sem yfirmaður þjónustu- og markaðssviðs. 

„Á þeim tíma hefur hún komið inn með ferskar hugmyndir, sýnt áræðni og hve megnug hún er. Ása Inga, sem hefur víðtæka stjórnunarreynslu, hefur svo sannarlega náð að setja svip sinn á fyrirtækið á þessum stutta tíma. Við horfum full bjartsýni til framtíðar og hlökkum til áframhaldandi samstarfs með ykkur öllum,“ segir í tilkynningu frá stjórn Vinnuverndar.

Vistaskipti Vinnumarkaður


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið