Viðskipti innlent

JBT fær tveggja vikna frest

Árni Sæberg skrifar
Brian Deck, forstjóri JBT, og Árni Sigurðsson, nýráðinn forstjóri Marel.
Brian Deck, forstjóri JBT, og Árni Sigurðsson, nýráðinn forstjóri Marel.

Marel hefur verið upplýst um að fjármálaeftirlit Seðlabankans hafi veitt JBT tveggja vikna framlengingu á fresti til þess að birta lokaákvörðun um hvort það hyggist gera yfirtökutilboð í Marel.

Þetta segir í tilkynningu Marel til Kauphallar. Þar segir að með hliðsjón af framlengdum fresti skuli JBT birta lokaákvörðun um hvort það hyggist gera yfirtökutilboð í Marel eigi síðar en 19. janúar 2024.

Á grundvelli langtímahagsmuna Marel og allra hluthafa félagsins, sé enn unnið að því að meta framangreinda óskuldbindandi viljayfirlýsingu af kostgæfni, meðal annars með öflun ítarlegri upplýsinga sem varða efnisatriði yfirlýsingarinnar og, í samstarfi við ráðgjafa félagsins, með takmörkuðum og óformlegum samskiptum við JBT. 

Sem fyrr liggi ekki fyrir nein vissa um hvort umrædd yfirlýsing muni leiða til formlegs skuldbindandi yfirtökutilboðs, eða hverjir skilmálar þess kunni að verða.

Marel muni halda markaðsaðilum tímanlega upplýstum um gang mála í samræmi við upplýsingaskyldu félagsins.

Marel Kauphöllin Kaup og sala fyrirtækja


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið