Viðskipti innlent

Taka ekki lengur við dönskum seðlum

Árni Sæberg skrifar
Það þýðir ekkert að fara með danskar krónur í Íslandsbanka lengur.
Það þýðir ekkert að fara með danskar krónur í Íslandsbanka lengur. Vísir/Vilhelm

Frá og með áramótum hætti Íslandsbanki að taka á móti seðlum í dönskum krónum.

Þetta segir í tilkynningu á vef bankans frá því fyrir jól. Þar segir að þann fyrsta september síðastliðinn hafi bankinn hætt að selja seðla í dönskum, norskum og sænskum krónum.

„Á undanförnum árum hafa reglur um peningaþvættisvarnir verið hertar verulega ásamt því sem Norðurlöndin eru að þróast í áttina að því að verða seðlalaus samfélög. Af þeim sökum hefur orðið sífellt erfiðara fyrir bankann að losna við seðla í dönskum krónum.“

Greint var frá því á dögunum að Arion banki myndi hætta að taka við dönskum 500 og 1.000 króna seðlum frá og með áramótum.

Í tilkynningu þess efnis var sömuleiðis vísað til hertra peningaþvættisreglna í Danmörku. Því virðist svo vera að hver fari að verða síðastur að leggja inn dönsku krónurnar sínar í banka hér á landi. Þó hefur Landsbankinn ekki tilkynnt um neinar breytingar á sínum bæ í þessu efnum.

Greiðslumiðlun Íslandsbanki Fjármálafyrirtæki


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið