Innlent

Varð­skipið Freyja til Vest­fjarða vegna mikillar snjó­flóða­hættu

Margrét Björk Jónsdóttir skrifar
Varðskipið Freyja hélt úr höfn á Siglufirði um miðnætti og ætti að vera komið á áfangastað nú undir morgun.
Varðskipið Freyja hélt úr höfn á Siglufirði um miðnætti og ætti að vera komið á áfangastað nú undir morgun. Landhelgisgæslan

Mikil hætta er talin á snjóflóði á norðanverðum Vestfjörðum á aðfangadag. Lögreglan á Vestfjörðum óskaði eftir aðstoð varðskipsins Freyju sem hélt af stað vestur á firði um miðnætti.

Töluverð hætta er metin á snjóflóðum á Norðanverðum Vestfjörðum í dag. Á vef Veðurstofunnar segir að á morgun, aðfangadag, sé spáð norðan­stormi og hríðarveðri og bú­ast megi við mikl­um skafrenn­ingi.

„Lít­ill snjór var fyr­ir og er lausa­mjöll­in sem nú þekur fjöll með fyrstu snjó­um víðast hvar. Lítið er um eldri fann­ir und­ir nýs­næv­inu. Bú­ast má við að vind­flek­ar bygg­ist upp í suðlæg­um viðhorf­um um helg­ina,“ seg­ir í ofanflóðaspá.  Þá er talin mik­il hætta tal­in á að snjóflóð falli á svæðinu á morgun.

Varðskipin Freyja til taks um helgina

Í tilkynningu frá Landhelgisgæslunni kemur fram að áhöfnin á varðskipinu Freyju hafi verið kölluð út að beiðni lögreglunnar á Vestfjörðum í gær vegna slæmrar veðurspár og hugsanlegrar snjóflóðahættu um helgina. Skipið hélt úr höfn á Siglufirði um miðnætti og ætti að vera komið á áfangastað nú undir morgun.

Varðskipið verður staðsett í Ísafjarðarhöfn næstu daga þar sem það verður til taks, meðal annars ef til þess skyldi koma að samgöngur rofni. Landhelgisgæslan

Átján manna áhöfn er um borð sem brást skjótt við kallinu. Miðað við veðurspá eru allar líkur á að skipið verði til taks á Vestfjörðum fram yfir helgi, af því er fram kemur í tilkynningunni.

Landhelgisgæslan Veður
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið