Þórsarar upp á topp eftir þægilegan sigur

Hjörtur Leó Guðjónsson skrifar 7. desember 2023 22:20

Allee og Vrhex mættust á Anubis í kvöld.

Þórsarar höfðu betur gegn Young Prodigies er liðin mættust á Anubis fyrr í kvöld.

Liðin fóru afar jöfn af stað þar sem Þórsarar hófu leikinn í vörn. Young Prodigies komust í stöðuna 2-4 en Þórsarar voru fljótir að jafna að nýju í 4-4. Þórsarar náðu þá loks að tengja fleiri en tvær lotur og komu sér í stöðuna 8-4 fóru því með þægilega forystu inn í hálfleikinn.

Staðan í hálfleik: 8-4

Young Prodigies tóku skammbyssulotuna í upphafi seinni hálfleiks og minnkuðu munuinn því fljótt í 8-5. Áfram tengdu þeir loturnar og komust í 8-7 áður en sigurleiðir fundu Þórsara að nýju í stöðunni 9-7. Young Prodigies náðu aðeins að sigra eina lotu til viðbótar í leiknum sem Þór stýrði nokkuð þægilega.

Lokatölur: 13-8

Þórsarar tryggja sig á toppinn yfir jólin en Dusty hafa enn möguleika að jafna þá, sigri þeir ÍBV í sínum leik. Young Prodigies eru enn í fimmta sæti og jafnir Sögu á stigum.

Rafíþróttir Ljósleiðaradeildin